Gujarati News

નવી દિલ્‍હી, તા.૧૬: કેન્‍દ્રીય સ્‍વાસ્‍થ્‍ય મંત્રાલય દ્વારા જારી કરાયેલા રિપોર્ટ અનુસાર દેશમાં છેલ્લા ૨૪ કલાકમાં કોરોના સંક્રમિતના ૮,૮૧૩ નવા કેસ નોંધાયા છે. રિપોર્ટ અનુસાર ૧૫,૦૪૦ લોકો સાજા થયા છે. દેશમાં હાલમાં કોરોનાના ૧,૧૧,૨૫૨ સક્રિય કેસ છે અને દૈનિક હકારાત્‍મકતા દર ૪.૧૫% છે.
ગઈકાલના કેસ સાથે આજના આંકડાની સરખામણી કરીએ તો ગઈકાલની સરખામણીમાં આજે કેસોમાં ઘટાડો જોવા મળ્‍યો છે. ૨૪ કલાકમાં દેશમાં કોરોનાના ૬ હજાર કેસમાં ઘટાડો થયો છે. ગઈકાલે એટલે કે ૧૫ ઓગસ્‍ટે ૧૪,૯૧૭ નવા કેસ નોંધાયા હતા, ૧૪ ઓગસ્‍ટે ૧૪,૦૯૨ નવા દર્દીઓ નોંધાયા હતા. ૧૨ ઓગસ્‍ટ ૧૬,૫૬૧ના રોજ, ૧૧ ઓગસ્‍ટના રોજ ૧૬,૨૯૯ નવા કેસ નોંધાયા હતા. રિપોર્ટ અનુસાર, ૯ ઓગસ્‍ટે ૧૨,૭૫૧ નવા કેસ, ૮ ઓગસ્‍ટે ૧૬૧૬૭, ૭ ઓગસ્‍ટના રોજ ૧૮,૭૩૮ નવા કેસ, ૬ ઓગસ્‍ટના રોજ ૧૯,૪૦૬ નવા કેસ, ૪ ઓગસ્‍ટે ૧૯,૮૯૩ નવા કેસ અને ૩ ઓગસ્‍ટના રોજ ૧૭,૧૩૫ નવા કેસ નોંધાયા હતા. રાજધાની દિલ્‍હીમાં પણ ફરી એકવાર કોરોના સંક્રમણની ઝડપ વધી છે. ૧૫ ઓગસ્‍ટના રિપોર્ટ અનુસાર, છેલ્લા ૨૪ કલાકમાં અહીં ૧૨૨૭ નવા કેસ નોંધાયા છે અને કોરોનાને કારણે ૮ લોકોના મોત થયા છે. આ સાથે રાજધાનીમાં કોરોનાના ૭૫૧૯ એક્‍ટિવ કેસ છે. દિલ્‍હી સરકારના હેલ્‍થ બુલેટિન મુજબ હાલમાં કોરોના પોઝિટીવીટી રેટ વધીને ૧૪.૫૭ ટકા થઈ ગયો છે. ૨૧૩૦ લોકો સાજા પણ થયા છે.