Gujarati News

નવી દિલ્‍હી, તા.૧૬: વડાપ્રધાન નરેન્‍દ્રભાઇ મોદીએ સોમવારે લાલ કિલ્લા પરથી નવમી વખત રાષ્‍ટ્રને સંબોધન કર્યું. ૭૬માં સ્‍વતંત્રતા દિવસ પર, વડા પ્રધાને લાલ કિલ્લા પરથી ધ્‍વજ ફરકાવ્‍યો અને ૮૩ મિનિટ સુધી રાષ્‍ટ્રને સંબોધન કર્યું. આ પહેલા ૨૦૨૧ના સ્‍વતંત્રતા દિવસે વડાપ્રધાને ૮૮ મિનિટ સુધી વાત કરી હતી. ૨૦૧૪માં પહેલીવાર વડાપ્રધાને ૬૫ મિનિટ સુધી દેશને સંબોધન કર્યું હતું.
૨૦૧૫માં વડાપ્રધાન નરેન્‍દ્રભાઇ મોદીએ ૮૬ મિનિટનું ભાષણ આપીને પ્રથમ વડાપ્રધાન જવાહરલાલ નેહરુનો રેકોર્ડ તોડ્‍યો હતો. નેહરુએ ૧૯૪૭માં લાલ કિલ્લા પરથી ૭૨ મિનિટનું ભાષણ આપ્‍યું હતું.
અત્‍યાર સુધી વડાપ્રધાને માત્ર એક કલાકથી પણ ઓછા સમયમાં વાત કરી હતી વડાપ્રધાને અત્‍યાર સુધીમાં નવ વખત લાલ કિલ્લા પરથી દેશને સંબોધન કર્યું છે. માત્ર એક જ વાર તેમણે એક કલાક કરતા ઓછા સમય માટે રાષ્‍ટ્રને સંબોધન કર્યું હતું. ૨૦૧૭ના સ્‍વતંત્રતા દિવસ પર વડાપ્રધાનનું ભાષણ માત્ર ૫૬ મિનિટનું હતું. આ તેમનું સૌથી ટૂંકું ભાષણ છે.
૨૦૧૪માં ૬૫ મિનિટ, ૨૦૧૫માં ૮૬ મિનિટ, ૨૦૧૬માં ૯૬ મિનિટ, ૨૦૧૭માં ૫૬ મિનિટ, ૨૦૧૮માં ૮૨ મિનિટ, ૨૦૧૯માં ૯૩ મિનિટ, ૨૦૧૯માં ૯૩ મિનિટ, ૨૦૨૦માં ૮૬ મિનિટ, ૨૦૨૧માં ૮૮ મિનિટ અને ૨૦૨૨માં ૮૩ મિનિટ.