Gujarati News

નવી દિલ્‍હી,તા. ૧૬: બિલ્‍કિસ બાનુ ગેંગ રેપ કેસના તમામ ૧૧ દોષીઓને ઉંમર કેદની સજા સંભળાવાઈ હતી. તેઓ તમામ સોમવારે ગોધરા સબજેલમાંથી મુક્‍ત થયા છે. મુંબઈમાં સ્‍પેશિયલ સીબીઆઈ કોર્ટે ૧૧ દોષીઓને ઉંમર કેદની સજા સંભળાવી હતી. ગેંગ રેપ અને બિલ્‍કિસ બાનુના પરિવારના ૭ સભ્‍યોની હત્‍યાના આરોપ હેઠળ તેઓને આ સજા સંભળાવાઈ હતી.
 રાજયની ગોધરા સબજેલમાં કેદ બિલ્‍કિસ બાનુ કેસના ૧૧ આરોપીઓને જેલમુક્‍ત કરાયા છે. તેઓને સીબીઆઈની સ્‍પેશિયલ કોર્ટે વર્ષ ૨૦૦૪માં ઉંમરકેદની સજા સંભળાવી હતી. રાજય સરકારની રિમિશન પોલિસી હેઠળ સ્‍વતંત્ર દિવસ પર તમામને મુક્‍ત કરાયા છે. તમામ દોષીઓએ ૧૫ વર્ષની સજા પૂરી કર્યા પછી સુપ્રીમ કોર્ટ પાસે જેલમુક્‍ત થવા માટેની વિનંતી કરી હતી.
બિલ્‍કિસ બાનુ ગેંગ રેપ કેસના તમામ ૧૧ દોષીઓને ઉંમર કેદની સજા સંભળાવાઈ હતી. તેઓ તમામ સોમવારે ગોધરા સબજેલમાંથી મુક્‍ત થયા છે. મુંબઈમાં સ્‍પેશિયલ સીબીઆઈ કોર્ટે ૧૧ દોષીઓને ઉંમર કેદની સજા સંભળાવી હતી. ગેંગ રેપ અને બિલ્‍કિસ બાનુના પરિવારના ૭ સભ્‍યોની હત્‍યાના આરોપ હેઠળ તેઓને આ સજા સંભળાવાઈ હતી. આ દોષીઓએ ૧૫ વર્ષ કરતા પણ વધારે સમય જેલમાં પસાર કર્યો.
બિલ્‍કિસ બાનુ કેસના આરોપી એવા ૧૧ કેદીઓને મુક્‍ત કરવામાં આવ્‍યા છે. આજીવન કેદની સજા પામેલા આ કેદીઓએ જેલમાં રહેતાં સજા માફી માટે સુપ્રીમ કોર્ટમાં અરજી કરી હતી. જેના અનુસંધાને સુપ્રીમ કોર્ટે કેદીઓની સજા માફીનો નિર્ણય રાજય સરકારને લેવા માટે આદેશ કર્યો હતો. જેના પગલે રાજય સરકારે આ કેદીઓને મુક્‍ત કરવાનો નિર્ણય કર્યો હતો. પંચમહાલના કલેક્‍ટર સુજલ મયાત્રાએ જણાવ્‍યું કે, સરકારે એક કમિટીની રચના કરી હતી કે જેમાં સર્વસંમતિથી તમામ ૧૧ દોષીઓની માફીનો નિર્ણય લેવાયો. આ ભલામણ રાજય સરકારને મોકલવામાં આવી અને ગઈકાલે આરોપીઓને મુક્‍ત કરવાનો ઓર્ડર મળ્‍યો.
અહીં નોંધનીય છે કે વર્ષ ૨૦૦૨માં દાહોદના રંધિકપુર ગામમાં બિલ્‍કિસ બાનુના પરિવાર પર ૧૭ લોકોએ હુમલો કર્યો હતો. આ દરમિયાન તેના પરિવારના ૭ લોકોની હત્‍યા કરવામાં આવી હતી. જયારે બિલ્‍કિસ બાનુ પર રેપ કરાયો હતો. જયારે બિલ્‍કિસ બાનુ રેપ કરાયો ત્‍યારે તેને ગર્ભ હતો. આ કેસની ટ્રાયલ શરૂઆતમાં ગુજરાતમાં શરૂ કરવામાં આવી હતી, પરંતુ બિલ્‍કિસ બાનુ દ્વારા આશંકા વ્‍યક્‍ત કરવામાં આવતા સુપ્રીમ કોર્ટે ૨૦૦૪માં આ કેસને મુંબઈ ખસેડ્‍યો હતો.