Gujarati News

જમ્મુ અને કાશ્મીરના પહેલગામમાં મોટી દૂર્ઘટના સર્જાઇ છે. આઇટીબીપીના જવાનોને લઇને જઇ રહેલી બસ ચંદનવાડી વિસ્તારમાં ખીણમાં પડી ગઇ છે. આ દૂર્ઘટનામાં અત્યાર સુધી 6 જવાન શહીદ થયા છે. દૂર્ઘટનામાં કેટલાક જવાનના મોતની આશંકા છે અને સુરક્ષાકર્મી ગંભીર રીતે ઘાયલ પણ છે.

ઇન્ડો-તિબેટિયન બોર્ડર પોલીસ તરફથી આપવામાં આવેલી જાણકારી અનુસાર બસમાં 39 જવાન સવાર હતા. જેમાંથી આઇટીબીપીના 37 અને જમ્મુ કાશ્મીર પોલીસના 2 જવાન હતા. બસની બ્રેક ફેલ થતા આ દૂર્ઘટના બની હતી.

બસમાં સવાર જવાન અમરનાથ યાત્રાની ડ્યૂટીમાંથી પરત ફરી રહ્યા હતા. ઘટનાસ્થળ માટે આઇટીબીપીના કમાન્ડોઝને રવાના કરવામાં આવ્યા છે જેથી રેસક્યૂ ઓપરેશનમાં ઝડપ લાવી શકાય