Gujarati News

Gujarati News

News of Wednesday, 16th September 2020

ગરમ કપડાઘ હીટર, તંબુ..

લદ્દાખમાં શિયાળામાં ચીન સામે મોરચો સંભાળવાની સેનાની તૈયારી

એલએસી પર તૈનાત બધા સૈનિકો માટે કલોધિંગ સહિત બધો જરૂરી સામાન પહોંચાડી દેવામાં આવ્યો છે અને રિઝર્વ સ્ટોક પણ મોકલવાનું કામ જારી છે

નવી દિલ્હી,તા.૧૬: ઈસ્ટર્ન લદ્દાખમાં એલએસીમાં ચીનની સાથે વધેલા તણાવ વચ્ચે ભારતીય સેનાએ પોતાની તૈયારી મજબૂત કરી લીધી છે. ભારતીય સેના શિયાળામાં એલએસી પર ચોકસીથી તૈનાત રહેવા તૈયાર છે. આ બાબતે સેનાએ ગરમ કપડા, રાશન, ટેન્ટ  અને હીટર સુધીની વ્યવસ્થા કરી લીધી છે. આ સિવાય પણ સેનાએ અન્ય સામાનનો સ્ટોક પૂરો કરી લીધો છે. ફોરવર્ડ પોસ્ટો સુધી બધા સામાન પહોંચાડી દેવામાં આવ્યો છે.

એક સીનિયર આર્મી અધિકારીએ કહ્યું કે, એલએસી પર ડિપ્લોયમેન્ટ લાંબુ ચાલે તે અમે ઈચ્છતા નથી, પરંતુ જો આવી સ્થિતિ યથાવત રહી તો અમે તેના માટે સંપૂર્ણ રીતે તૈયાર છીએ. તેમણે કહ્યું કે, ચીને જો પ્રોટોકોલનું પાલન કરવાનું છે તો પૂરી રીતે કરે અને દરેક જગ્યાએ ફોલો કરે, માત્ર નક્કી કરેલા પ્રોટોકોલ ન ચાલી શકે. તેમણે કહ્યું ઈન્ડિયન આર્મી દરેક પ્રકારની પરિસ્થિતિનો સામનો કરવા તૈયાર છે. ઉલ્લેખનીય છે કે પેન્ગોંગ ઝીલના ઉત્ત્।રી કિનારેમાં ફિંગર એરિયા પર ચીને દ્વિપક્ષીય સમજુતીનું ઉલ્લંદ્યન કર્યું છે અને હવે જયારે પેન્ગોંગ ઝીલના દક્ષિણ કિનારે બધા મહત્વના પહાડો પર ભારતીય સેનાએ પોતાની સ્થિતિ ખુબ મજબૂત કરી લીધી છે તો ચીન પ્રોટોકોલનો હવાલો આપી રહ્યું છે.

આર્મીના એક અધિકારીએ જણાવ્યું કે, ભારતની પાસે એવા સ્ટ્રેટેજિક એયરલિફ્ટ પ્લેટફોર્મ છે જેમાં રોડ કનેકિટવિટી કપાય જાય તો પણ ભારતીય સેના અને એરફોર્સમ મળીને એક દોઢ કલાકની અંદર સૈનિકો સુધી પહોંચી શકે છે. પરંતુ આ મહિને રોહતાંગ ટનલનું ઉદ્ઘાટન થઈ જશે, ત્યારબાદ લદ્દાખ રીઝન સુધી ઓલ વેધર રોડ કનેકિટવિટી પણ થઈ જશે.

આર્મીના અધિકારીએ જણાવ્યું કે, ૯૦૦૦થી ૧૨૦૦૦ ફુટની ઉંચાઈ સુધી તૈનાત સૈનિકોને એકસટ્રીમ કોલ્ડ કલાઇમેટ (ઈસીસી) કલોદિંદ આપવામાં આવે છે અને ૧૨૦૦૦ ફુટથી વધુની ઉંચાઈ પર તૈનાત સૈનિકોને સ્પેશિયલ કલોથિંદ એન્ડ માઉન્ટેનિયરિંગ ઇકિવપમેન્ટ (એસસીએમઆઈ) આપવામાં આવે છે. એક જવાનને એસસીએમઈનો ખરચો આશરે ૧.૨ લાખ રૂપિયા સુધી આવે છે. એલએસી પર તૈનાત બધા સૈનિકો માટે કલોધિંગ સહિત બધો જરૂરી સામાન પહોંચાડી દેવામાં આવ્યો છે અને રિઝર્વ સ્ટોક પણ મોકલવાનું કામ જારી છે. બધા ટેમ્પરરી શેલ્ટર પણ તૈયાર છે. તેમણે જણાવ્યું કે, ફોરવર્ડ એરિયામાં તૈનાત સૈનિકોને નોર્મલ રાશન સિવાય સ્પેશિયલ રાશન આપવામાં આવે છે. આટલા હાઈ અલ્ટીટ્યૂટમાં ભૂખ ન લાગે પરંતુ સૈનિકોને પોષણ માટે જરૂરી કેલેરી મળી રહે તે માટે દરરોડ ૭૨ આઇટમમાંથી તેઓ પોતાની પસંદગીની વસ્તુ પસંદ કરી શકે છે.

આર્મીના સીનિયર અધિકારી પ્રમાણે જો ચીન ન માને તો ભારતીય સેના શિયાળામાં પણ એલએસી પર તૈનાત રહેશે. તેમણે કહ્યું કે, ભારતીય સૈનિકોને તેની આદત પણ છે કારણ કે ભારતીય સૈનિક ખુબ ઠંડી અને બર્ફમારી વચ્ચે દેશની રક્ષા માટે તૈનાત રહે છે. એલએસી પર જે એડિશનલ ટ્રૂપ ગઈ છે તે આ પહેલા પણ તે જગ્યાએ રહી ચુકી છે. આર્મીના આ પ્રકારના અનુભવથી અને દેશની સેનાઓ પણ ખુબ પ્રભાવિત છે. જોઈન્ટ એકસરસાઇઝ દરમિયાન અન્ય દેશ પણ ભારતીય સેનાના આ અનુભવથી શીખવાનો પ્રયાસ કરે છે.

(11:18 am IST)
  • અરુણાચલ પ્રદેશના મુખ્યમંત્રી પ્રેમા ખાંડુનો કોરોના રિપોર્ટ પોઝિટિવ : ગઈકાલે રક્ષામંત્રી રાજનાથ સિંહ સાથે મુલાકાત થઇ હતી : ટ્વીટર ઉપર જાણ કરી access_time 8:44 pm IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST