Gujarati News

Gujarati News

News of Wednesday, 16th September 2020

પેંગોંગમાં ૧૦૦-૨૦૦ રાઉન્ડ ગોળીબાર થયો'તો

મોસ્કોમાં વિદેશમંત્રીઓની મુલાકાત પૂર્વે

નવી દિલ્હી તા. ૧૬ : ભારત અને ચીન વચ્ચે લદ્દાખ ખાતેની એલએસી પર તણાવ વધતો જ જાય છે. હવે ખુલાસો થયો છે કે રશિયાના મોસ્કોમાં ૧૦ સપ્ટેમ્બરે ભારત અને ચીનના વિદેશ પ્રધાનોની બેઠક પહેલા પેંગોંગ સોના ઉત્તર કિનારા પાસે ફિંગર એરીયા પર બંને સેનાઓ વચ્ચે ફાયરીંગની ઘટના થઇ હતી. આ ફાયરીંગ ૭ સપ્ટેમ્બરે ચૂશુલ સબ સેકટરમાં થયેલ ફાયરીંગ કરતા પણ ભીષણ હતું. જે બાબતે બંને દેશોની સેનાઓ આધિકારીક રીતે બયાન બહાર પાડીને એક બીજા પર આક્ષેપ મુકી ચૂકી છે.

આ બાબતના જાણકાર એક સરકારી અધિકારી અનુસાર, જ્યારે ભારતીય સૈનિકો પેટ્રોલીંગ કરી રહ્યા હતા ત્યારે આ ઘટના બની હતી. તેમણે જણાવ્યું કે, જે જગ્યાએ ફિંગર ૩ અને ફિંગર ૪ મળે છે ત્યાં બંને પક્ષો દ્વારા ૧૦૦ થી ૨૦૦ રાઉન્ડ ફાયર કરાયા હતા. ઉલ્લેખનિય છે કે અત્યાર સુધીમાં ભારત કે ચીન કોઇના પણ દ્વારા આ બાબતે કોઇ ખુલાસો નથી થયો. જ્યારે ચૂશૂલમાં થયેલ ફાયરીંગની ઘટના પર બંને દેશોએ દેકારો મચાવ્યો હતો.

જણાવી દઇએ કે એલએસી પર તણાવ અત્યારે પહેલા કરતા ઘણો વધારે છે. બંને સેનાઓ વચ્ચે કમાન્ડર લેવલની બેઠક ટુંક સમયમાં થવાની છે. આ અધ્કિારી અનુસાર તણાવનું સ્તર હવે સપ્ટેમ્બરના પહેલા સપ્તાહમાં હતું એવું નથી રહ્યું. કેમકે ત્યારે પેંગોંગ સો ના ઉત્તર અને દક્ષિણ કિનારાઓ પર જોરદાર હિલચાલ હતી અને ત્યાર પછી આ વિસ્તારમાં ઘણીવાર ફાયરીંગની ઘટનાઓ બની ચૂકી છે.

(11:18 am IST)
  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST