Gujarati News

Gujarati News

News of Wednesday, 16th September 2020

લોનાવાલાના ફાર્મહાઉસમાં સુશાંતસિંહ રાજપૂત સાથે રિયા ચક્રવર્તી અને સારા અલી ખાન છાશવારે બોટ પાર્ટી કરવા આવતાઃ વીડિયો વાયરલ

નવી દિલ્હી: દમ મારો દમ ગેંગ વિરુદ્ધ મહત્વના પુરાવા મળ્યા છે. રિયા ચક્રવર્તી  અને સારા અલી ખાન સુશાંત સિંહ રાજપૂત સાથે છાશવારે બોટ પાર્ટી માટે લોનાવાલા ખાતેના ફાર્મ હાઉસ પર આવતા હતાં. અગાઉ રિયાનું જૂઠ્ઠાણું પકડી પાડતા 2 વીડિયો પણ આવ્યા હતાં. જેમાં તે સુશાંત સાથે ડ્રગ્સ લેતી જોવા મળી હતી. વધુ એક એક્સક્લુઝિવ ક્લિપ સામે આવી છે જેમાં સુશાંત અને સારા અલી ખાન ફાર્મ હાઉસમાં એકલા જોવા મળી રહ્યા છે.

એક એક્સક્લુઝિવ વીડિયો છે જેમાં સુશાંત અને સારા એક સાથે ફાર્મ હાઉસ પર જોવા મળે છે. ફાર્મ હાઉસ પર જે રીતે બંને જોવા મળી રહ્યાં છે તેને લઈને આ કેસમાં ડ્રગ એંગલને એક નવી દિશા મળતી જોવા મળી રહી છે. આ વીડિયો ડિસેમ્બર 2019થી માર્ચ 2020 વચ્ચેનો હોવાનું કહેવાય છે. વીડિયોમાં સુશાંત અને સારા સિગરેટના કશ લેતા જોવા મળે છે. દાવા સાથે કહી ન શકાય કે આ સિગરટેમાં ડ્રગ્સ છે કે નહીં. પરંતુ અત્યાર સુધી સુશાંત મોત કેસમાં જે પણ ખુલાસા થયા છે તેને જોતા આ ક્લિપ આવનારા સમયમાં મોટો ક્લૂ બની જાય તો નવાઈ નહીં.

ફાર્મ હાઉસમાં બોટ પાર્ટી

કહેવાય છે કે લોનાવાલા ખાતેના ફાર્મ હાઉસમાં સુશાંત સિંહ રાજપૂત સાથે રિયા ચક્રવર્તી અને સારા અલી ખાન છાશવારે બોટ પાર્ટી કરવા આવતા હતાં. આ ફાર્મ હાઉસ લોનાવાલાથી 100 કિમી દૂર છે. બોટ માલિકે એનસીબીને આપેલા નિવેદનમાં જણાવ્યું હતું કે સુશાંત પહેલા 3-4 મહિના સારા અલી ખાન અને ફેબ્રુઆરી 2019 બાદથી રિયા, સેમ્યુઅલ મિરાન્ડા, શોવિક સહિત પોતાના મિત્રો સાથે અહીં પાર્ટી માટે આવતો હતો.

અત્રે જણાવવાનું કે સુશાંત સિંહ રાજપૂત કેસમાં ડ્રગ્સ કનેક્શનને લઈને થઈ રહેલી તપાસમાં રિયાની ધરપકડ કરાઈ છે. રિયાની જામીન અરજી મુંબઈની કોર્ટે 11 સપ્ટેમ્બરે ફગાવી દીધી હતી.

(4:26 pm IST)
  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST