Gujarati News

Gujarati News

News of Wednesday, 16th September 2020

ટાટા પ્રોજેક્ટ્સ લિમિટેડે 861.90 કરોડના ખર્ચથી સંસદભવન નિર્માણનો કોન્ટ્રાકટ હાંસલ કર્યો

એલએન્ડટી લિમિટેડે 865 કરોડ રૂપિયાની બોલી લગાવી હતી.

નવી દિલ્હીઃ ટાટા પ્રોજેક્ટ્સ લિમિટેડે 861.90 કરોડ રૂપિયાના ખર્ચથી નવા સંસદ ભવનનું નિર્માણનો કોન્ટ્રાક્ટ હાંસલ કર્યો છે. એક અધિકારીએ આ જાણકારી આપી હતી. અધિકારીએ કહ્યું કે એલએન્ડટી લિમિટેડે 865 કરોડ રૂપિયાની બોલી લગાવી હતી.

સેન્ટ્રલ વિસ્ટા પુનવિકાસ પરિયોજના હેઠળ સંસદની નવી બિલ્ડિંગ વર્તમાન ઇમારતની નજીક બનાવવામાં આવશે. આ કામ 21 મહિનામાં પૂર્ણ થવાની આશા છે. સીપીડબલ્યૂડીના કહેવા અનુસાર, સંસદની નવી ઇમારત સંસદ ભવન એસ્ટેટના પ્લોટ નંબર 118 પર બનશે.

મોદી સરકારની ઇચ્છા છે કે જ્યારે દેશ આઝાદીની 75મી વર્ષગાંઠ ઉજવી રહ્યો હોય ત્યારે આ નવી બિલ્ડિંગ બનીને તૈયાર થઇ જાય. 2020ના જૂલાઇ મહિનામાં યોજાનાર ચોમાસુ સત્ર નવા સંસદ ભવનમાં આયોજીત કરવામાં આવે. નવા સંસદ ભવનમાં સેન્ટ્રલ હોલ નહી હોય. તમામ સાંસદો માટે અલગથી રૂમ, લાઇબ્રેરી, બેઠક રૂમ અને અન્ય તમામ ચીજોની વ્યવસ્થા હશે.

(10:27 pm IST)
  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST

  • મોડી રાત્રે અત્યારે કચ્છ બાજુ ભૂજ સહિતના વિસ્તારો ઉપર વાદળોના ગંજ ખડકાયા હોવાનું ઇન્સેટ તસ્વીરમાં દર્શાય છે. સૌરાષ્ટ્ર ઉપર પણ સામાન્ય વાદળાઓ મંડરાઈ રહયા છે access_time 10:50 pm IST