Gujarati News

ન્યુદિલ્હી : તિરુપતિ મંદિરમાં અનિયમિતતા મામલે હસ્તક્ષેપ કરવાના ઇન્કાર સાથે આંધ્રપ્રદેશ હાઇકોર્ટએ જણાવ્યું હતું કે મંદિરની રોજબરોજની બાબતો પર બંધારણીય અદાલત ધ્યાન આપી શકે નહીં .આ આદેશને સુપ્રીમ કોર્ટમાં પડકારાયો હતો. જેના અનુસંધાને સુપ્રીમ કોર્ટે આદેશને પડકારતી પિટિશન સુપ્રીમ કોર્ટે ફગાવી દીધી છે.

સુપ્રીમ કોર્ટે મંગળવારે આંધ્રપ્રદેશ હાઇકોર્ટના આદેશને પડકારતી અરજી પર ધ્યાન આપવાનો ઇનકાર કર્યો હતો જેણે તિરુપતિના વેંકટેશ્વર સ્વામી વારી મંદિરમાં પૂજા અને અર્ચનામાં અનિયમિતતા જોવાની ભક્તની અરજીને ફગાવી દીધી હતી.

આમ કરતી વખતે, ભારતના ચીફ જસ્ટિસ એનવી રમના અને જસ્ટિસ એએસ બોપન્ના અને હિમા કોહલીની બેન્ચે જણાવ્યું હતું કે, બંધારણીય અદાલત મંદિરની રોજબરોજની બાબતો પર ધ્યાન આપી શકતી નથી."

તિરુમાલા તિરુપતિ દેવસ્થાનમ (TTD) ના વકીલે જણાવ્યું હતું કે અરજદારની દરેક ફરિયાદને ધ્યાનમાં લેવામાં આવી હતી, અને તેની વિગતો કોર્ટ સમક્ષ દાખલ કરવામાં આવેલી કાઉન્ટર-એફિડેવિટમાં પ્રતિબિંબિત થાય છે.તેવું બી.એન્ડ બી.દ્વારા જાણવા મળે છે.