Gujarati News

મુંબઇ, તા.૧૭: કોરોના કાળમાં જરૂરિયાતમંદ લોકો માટે મસિહા બનીને ઉભરી આવેલા અભિનેતા એકટર સોનુ સુદ કોરોના વાયરસની ચપેટમાં આવ્યા છે. સોનુએ ટ્વિટ કરીને પોતે કોવિડ સંક્રમિત હોવાની વાત સ્વિકારી છે. તેમણે જણાવ્યુ છે કે, તમામ પ્રકારની સાવધાની રાખતા પોતાની જાતને કોરન્ટાઈન કરી દીધી છે.

સોનુ સુદે ટ્વિટમાં લખ્યુ હતું કે, હું તમામ લોકોને બતાવા માગુ છુ કે, આજે સવારે મારો કોરોના રિપોર્ટ પોઝિટીવ આવ્યો છે. મેં સાવધાની સાથે પોતાની જાતને કોરન્ટીન કરી લીધી છે. તથા પોતાનું ધ્યાન રાખી રહ્યો છું. પણ ચિંતા કરતા નહીં, તેનાથી મદદ કરવામાં મને વધારે સમય મળી ગયો છે. યાદ રાખો હું હંમેશા આપની સાથે છું.