Gujarati News

Gujarati News

News of Monday, 17th May 2021

સેન્સેક્સમાં ૮૪૮ પોઈન્ટનો કૂદકો, SBIના શેર ઊછળ્યા

ઓટોમોબાઈલ, મેટલ અને નાણાકીય શેરોમાં ખરીદી : શેરબજારોમાં ચોથા ત્રિમાસિક ગાળાના સારા પરિણામની પાછળ તેજી, કોરોનાના કેસ ઘટતા પણ જેતીને વેગ મળ્યો

મુંબઈ, તા. ૧૭ : બેક્ન, ફાઇનાન્સ, ઓટોમોબાઈલ, મેટલ અને નાણાકીય ક્ષેત્રના શેરોમાં જોરદાર ખરીદી પર સ્થાનિક સપ્તાહના પ્રથમ ટ્રેડિંગ સત્રમાં સ્થાનિક શેર બજારો ૧.૫ ટકાના ઉછાળા સાથે બંધ થયા છે. ૩૦ શેરો વાળા પ્રમુખ બીએસઈના સેન્સેક્સ ૮૪૮.૧૮ અંક એટલે કે ૧.૭૪ ટકા વધીને ૪૯૫૮૦.૭૩ પર બંધ થયો છે. એ જ રીતે એનએસઈ નિફ્ટી ૨૪૫.૩૫ પોઇન્ટ એટલે કે ૧.૬૭ ટકાના વધારા સાથે ૧૪૯૨૩.૧૫ પોઇન્ટના સ્તર પર બંધ થયો છે. એનએસઈ નિફ્ટીમાં ઈન્ડસઇન્ડ બેક્ન, એસબીઆઈ, આઈસીઆઈસીઆઈ બેંક, એચડીએફસી બેંક અને યુપીએલના શેરમાં સૌથી વધુ તેજી જોવા મળી. તે જ સમયે, સિપ્લા, ભારતી એરટેલ, એલએન્ડટી, એસબીઆઈ લાઇફ ઇન્સ્યુરન્સ અને નેસ્લે ઈન્ડિયા નિફ્ટીમાં મોટો ઘટાડો નોંધાયો હતો.

નિફ્ટી એનર્જી, બેંક, ઓટો, મેટલ અને પીએસયુ બેંક ઈન્ડિક્સ એકથી ચાર ટકાના વધારા સાથે બંધ થયા છે. બીજી તરફ બીએસઈના મિડકેપ અને સ્મોલકેપ સૂચકાંકોમાં ૧.૬-૧.૬ ટકાનો ઉછાળો જોવાયો હતો.

બીએસઈ સેન્સેક્સ પર ઇન્ડસઇન્ડ બેક્નના શેરમાં ૭.૨૭ ટકાનો ઉછાળો જોવા મળ્યો. આ સિવાય એસબીઆઈના શેરમાં ૬.૩૫ ટકાનો વધારો થયો છે. આઇસીઆઈસીઆઈ બેંક, એચડીએફસી બેક્ન, એક્સિસ બેક્ન, એચડીએફસી, બજાજ ફિનસર્વ, અલ્ટ્રાટેક સિમેન્ટ, કોટક મહિન્દ્રા બેંક, બજાજ ફાઇનાન્સ, મહિન્દ્રા અને મહિન્દ્રા, એચસીએલ ટેક, રિલાયન્સ ઇન્ડસ્ટ્રીઝ, ઓએનજીસી, ડોક્ટર રેડ્ડીઝ, ઇન્ફોસીસ, ટાઇટન, ટીસીએસ, ટેક મહિન્દ્રા, બજાજ ઓટોના શેર્સ, એશિયન પેઇન્ટ્સ, એનટીપીસી અને આઇટીસી લીલા નિશાન સાથે બંધ થયા છે.

બીજી તરફ લાર્સન અને ટુબ્રોના શેરમાં ૨.૦૨% નો સૌથી મોટો ઘટાડો જોવા મળ્યો. આ સિવાય ભારતી એરટેલ, નેસ્લે ઈન્ડિયા, સન ફાર્મા, પાવરગ્રિડ, મારુતિ અને હિન્દુસ્તાન યુનિલિવર લિમિટેડના શેર પણ લાલ નિશાન સાથે બંધ થયા છે.

રિલાયન્સ સિક્યોરિટીઝના વડા (વ્યૂહરચના) વિનોદ મોદીએ જણાવ્યું હતું કે સ્થાનિક શેર બજારોમાં ચોથા ત્રિમાસિક ગાળાના સારા પરિણામની પાછળ જોરદાર તેજી જોવા મળી હતી અને કોરોના રોગચાળાના બીજા મોજામાં નવા કેસોમાં ઘટાડો થવાના પ્રારંભિક સંકેતો છે.

એલ.કે.પી. સિક્યોરિટીઝના હેડ (રિસર્ચ) એસ રંગનાથને જણાવ્યું હતું કે, રસીકરણ અભિયાનમાં વેગ મળશે અને ડીઆરડીઓ-વિકસિત દવા શરૂ કરવામાં આવે તે પછી આવતા દિવસોમાં શેર બજારોમાં તેજી આવશે. સોમવારે બેંકો, ઓટો અને મેટલ શેરોમાં ઉછાળો જોવા મળ્યો હતો. સપ્તાહના પ્રથમ ટ્રેડિંગ સેશનમાં ફાર્મા શેરોમાં નફો-બુકિંગ થયું હતું.

એશિયાના અન્ય બજારોની વાત કરીએ તો, શાંઘાઇ અને હોંગકોંગમાં શેર બજારો તેજી સાથે બંધ થયા છે. તે જ સમયે, ટોક્યો અને સિઓલના શેર બજારો લાલ નિશાન સાથે બંધ થયા છે.

(9:01 pm IST)
  • શ્રીનગરની ભાગોળે બે આતંકીઓ ઠાર મરાયા : બાકીના સાથે મૂઠભેડ ચાલુ : શ્રીનગરને અડીને આવેલા ખાન મોહ વિસ્તારમાં બે આતંકવાદીઓને સુરક્ષાદળોએ ઠાર માર્યા છે, જયારે બીજા ૨ થી ૩ આતંકવાદીઓ સાથે મૂઠભેડ ચાલુ છે : આજે વ્હેલી સવારે આ વિસ્તારમાં આતંકીઓ જોવા મળ્યાની જાણ થતાં એસઓજી, લશ્કર અને સીઆરપીએફની સંયુકત ટુકડી પહોંચી ગયેલ અને એક મકાનમાં છુપાયેલા આતંકીઓ સાથે મૂઠભેડ શરૂ થયેલ : સુરક્ષા કર્મીઓ ઘર-ઘરની તલાશી લેતા હતા ત્યારે એક મકાનમાં છુપાયેલા આ આતંકીઓએ નજીક આવેલા જવાનો ઉપર ગોળીબાર શરૂ કરેલ : સુરક્ષાદળોએ આત્મસમર્પણ કરવા કહ્યુ છતા આતંકીઓએ ગોળીબાર ચાલુ રહેતા બે ને ઠાર મારવામાં આવેલ access_time 12:15 pm IST

  • આજે રાજકોટ શહેર - જિલ્લામાં કોરોનાની પરિસ્થિતિ માં ભારે રાહત : આજે સાંજ સુધીમાં રાજકોટ શહેરમાં 119 અને ગ્રામ્યના 160 કેસ સાથે કુલ ફક્ત 279 નવા કોરોના ના કેસ નોંધાયા access_time 7:34 pm IST

  • આજે ૧૦ વાગ્યા આસપાસ હવામાન ખાતાએ મહારાષ્ટ્રના રાયગઢ, પાલઘર, મુંબઈ, થાણે અને રત્નાગીરી વિસ્તારમાં ૩ કલાકમાં ૯૦ થી ૧૦૦ કિ.મી. ઝડપે તોફાની પવન અને મધ્યથી ભારે વરસાદ પડવાની આગાહી કરી છે : સાથે જ સવારે ૩ કલાક માટે મુંબઈ એરપોર્ટ ઉપર કાર્યવાહી થંભાવી દેવામાં આવી હતી access_time 12:14 pm IST