Gujarati News

Gujarati News

News of Monday, 17th May 2021

મુંબઈથી 175 કિમિ દૂર મધ દરિયે ONGC ના 273 કર્મીઓ બોમ્બે હાઇ ફિલ્ડ્સ નજીક એક જહાજ પર વાવાઝોડામાં ફસાયા : ભારતીય નૌસેનાએ બે જહાજો બચાવ કાર્ય માટે મોકલ્યા : મુખ્ય પ્રધાન ઉદ્ધવ ઠાકરે રાખી રહ્યા છે પરિસ્થિતિ પર ચાંપતી નજર

મુંબઇ : ચક્રવાત 'તૌકતે' ને કારણે મુંબઈમાં ભારે વાવાઝોડા સાથે 75-85 કિમી પ્રતિ કલાકની ઝડપે ભારે પવન ફૂંકાય છે, જેના કારણે ઘણાં વૃક્ષોનો સોથ વળી ગયો છે અને અનેક મકાનોને નુકસાન પહોંચ્યું છે. વાવાઝોડાએ રસ્તા પર ટ્રાફિકને પણ ખોરવી નાખ્યો છે, પરંતુ કોઈ જાનહાની ના સત્તાવાર અહેવાલ નથી.

અધિકારીઓએ માહિતી આપી છે કે બોમ્બે હાઇ પર ફસાયેલા ONGC ના લગભગ 273 કર્મચારીઓને બચાવવા માટે ભારતીય નૌસેનાએ બે જહાજો મોકલ્યા છે. આ ઓએનજીસી કર્મચારીઓ મુંબઇથી લગભગ 175 કિલોમીટર દૂર મધ દરિયે, બોમ્બે હાઇ ફિલ્ડ્સ નજીક એક જહાજ પર ફસાયા છે. અધિકારીઓએ કહ્યું કે મુખ્ય પ્રધાન ઉદ્ધવ ઠાકરે પરિસ્થિતિ પર નજર રાખી રહ્યા છે.

(6:41 pm IST)
  • કેરળમાં પણ કેસ ઘટયા: સાજા થવાનો આંક ઘણો ઊંચો રહ્યોકેરળમાં પણ કોરોના કેસ ઘટી ગયા. ૨૪ કલાકમાં આજે નવા ૨૯૭૦૪ કેસ નોંધાયા, ૮૯ મૃત્યુ થયા અને ૩૪૨૯૬ સાજા થયા છે. નવા કેસ કરતા સાજા થવાનો આંક લગભગ સાડા ચાર હજાર જેટલો વધુ છે. access_time 7:48 pm IST

  • ગુજરાતના ૧૫ જિલ્લા અને કેન્દ્ર શાસિત પ્રદેશોમાં ભારેથી અતિભારે વરસાદ પડવાની જાહેરાત: મહા ભયંકર વાવાઝોડાને લીધે અડધા ગુજરાતમાં વિનાશક કમોસમી વરસાદ પડશે હવામાન ખાતાએ અત્યારે સાંજે પાંચ વાગ્યે જણાવ્યું છે કે ગીર સોમનાથ, અમરેલી, ભાવનગર, જૂનાગઢ, બોટાદ, વલસાડ, નવસારી, સુરેન્દ્રનગર, રાજકોટ, ભરૂચ, સુરત, અમદાવાદ, આણંદ, ખેડા અને વડોદરા સહિત કેન્દ્ર શાસિત દીવ, દમણ અને દાદરાનગર હવેલી પંથકમાંમાં ભારેથી અતિભારે વરસાદ પડશે access_time 6:19 pm IST

  • તૌકટે વાવાઝોડું વધુ તીવ્ર બની સવારે ૮ વાગે મુંબઈના દરિયામાંથી આગળ વધી ગયું છે અને સૌરાષ્ટ્ર તરફ ધસમસી રહ્યું છે. વાવાઝોડાની સ્થિતિ દર્શાવતી લેટેસ્ટ તસવીર. access_time 11:30 am IST