Gujarati News

Gujarati News

News of Monday, 17th May 2021

કોરોના સામેની લડાઈમાં ૬થી ૮ માસ ભારત માટે મહત્વપૂર્ણ

ચીફ સાયન્ટિસ્ટ ડૉ. સૌમ્યા સ્વામીનાથનની ચેતવણી : ૨૦૨૧ના અંત સુધીમાં વિશ્વની ૩૦ ટકા વસતી વેક્સિનેટ થશે તે સમયે મહામારીનો અંત દેખાઈ રહ્યો હોવાનો દાવો

નવી દિલ્હી, તા. ૧૭ : કોરોના વાયરસની બીજી લહેરે ભારતમાં ભારે તબાહી મચાવી છે. જીવલેણ વાયરસના કારણે દેશમાં દરરોજ આશરે ,૦૦૦ લોકોના મોત થઈ રહ્યા છે. બધા વચ્ચે વિશ્વ સ્વાસ્થ્ય સંગઠનના ચીફ સાયન્ટિસ્ટ ડૉ. સૌમ્યા સ્વામીનાથને કોવિડ-૧૯ મહામારીની આગામી લહેરોને લઈ ચેતવણી જાહેર કરી છે. તેમના કહેવા પ્રમાણે આગામી સમયમાં કોરોનાની નવી લહેરો ભારતની મુશ્કેલી વધારી શકે છે.

ડૉ. સૌમ્યા સ્વામીનાથનના કહેવા પ્રમાણે ભારત માટે આગામી ૬થી ૧૮ મહિના કોરોના સામેની લડાઈમાં ખૂબ મહત્વપૂર્ણ બની રહેશે. મહામારી સામેની લડાઈમાં વાયરસના વિકાસ પર ઘણું નિર્ભર કરે છે. વેરિએન્ટ્સ સામે વેક્સિનની ક્ષમતા અને વેક્સિનથી બનતી ઈમ્યુનિટી કેટલા સમય સુધી લોકોનો બચાવ કરશે તે પણ ખૂબ મહત્વ ધરાવે છે.

ડૉ. સૌમ્યાએ જણાવ્યું કે, 'આપણે જાણીએ છીએ કે, મહામારીના ઘાતક તબક્કાનો અંત નિશ્ચિતરૂપે આવશે. ૨૦૨૧ના અંત સુધીમાં જ્યારે વિશ્વની ૩૦ ટકા વસ્તી વેક્સિનેટ થઈ જશે તે સમયે મહામારીનો અંત દેખાઈ રહ્યો છે. તે સમયે મૃતકઆંકમાં પણ ઘટાડો જોવા મળશે. ત્યાર બાદ ૨૦૨૨માં વેક્સિનેશનમાં તેજી આવી શકે છે.

તેમણે લોકો ખોટા સમયે ખોટી દવાઓ લઈ રહ્યા છે જેના ફાયદા કરતા નુકસાન વધુ થઈ શકે તેવી ચેતવણી પણ આપી હતી. સાથે કોઈ પણ દેશ બીમારીનો સામનો કરવા વિશ્વ સ્વાસ્થ્ય સંગઠનના પ્રોટોકોલનો સહારો લઈ શકે છે તેમ પણ જણાવ્યું હતું.

(7:24 pm IST)
  • વાવાઝોડાની ઇફેક્ટ : જૂનાગઢ ના ચોરવાડ માં અતિભારે ફૂંકાતા પવનને કારણે નારીયેલીના ઝાડ પડતા 2 માળ નું મકાન થયું ઘરાશાઈ access_time 11:46 pm IST

  • ઇન્ડિયા ટુ ડે ના સર્વે મુજબ દેશમાં ૪૮ ટકા લોકો ઈચ્છે છે કે વેકસીન આપતા પૂર્વે કોરોના ટેસ્ટ કરવામાં આવે જેથી એસિમ્પટોમેટિક દર્દીઓને વેકસીન આપવામાં ના આવે. access_time 8:13 pm IST

  • વડાપ્રધાન નરેન્દ્રભાઇ મોદીએ મુખ્યમંત્રી વિજયભાઇ રૂપાણી સાથે ટેલીફોનિક વાતચીત કરીને ગુજરાતમાં તૌકતે વાવાઝોડાની સ્થિતિના સામના માટે રાજ્ય સરકારની તૈયારીઓ અંગે ચર્ચા કરી : વડાપ્રધાને ગુજરાતને આ તૌકતે વાવાઝોડાનો સામનો કરવા માટે કેન્દ્ર સરકાર તરફથી તમામ મદદ માટેની તત્પરતા પણ મુખ્યમંત્રી સાથેની વાતચીતમાં વ્યકત કરી હતી access_time 5:31 pm IST