Gujarati News

Gujarati News

News of Tuesday, 18th May 2021

૧૧ દિવસમાં ૨.૫૦ રૂપિયા સુધી વધ્યા પેટ્રોલ અને ડીઝલના ભાવ

પેટ્રોલ અને ડીઝલની વધતી કિંમતોએ સામાન્ય માણસની મુશ્કેલી વધારી છેઃ સરકારી તેલ કંપનીઓએ આજે ફરીથી ભાવમાં વધારો

મુંબઇ, તા.૧૮: પેટ્રોલ અને ડીઝલની વધતી કિંમતોએ સામાન્ય માણસની મુશ્કેલી વધારી છે. સરકારી તેલ કંપનીઓએ આજે ફરી ભાવમાં વધારો કર્યો છે. પેટ્રોલમાં ૨૪-૨૭ પૈસાનો વધારો કર્યો છે તો ડીઝલમાં ૨૭-૩૧ પૈસાનો વધારો કર્યો છે. અત્યારે દેશમાં દરેક જગ્યાએ કિંમતો ઓલ ટાઈમ હાઈ પર ચાલી રહી છે. અનેક જગ્યાઓએ પેટ્રોલ ૧૦૦ રૂપિયા પ્રતિ લિટર પહોંચ્યું છે. જેમાં ઈન્દોર, ભોપાલ, જયપુર સહિત અનેક જગ્યાઓનો સમાવેશ થઈ રહ્યો છે. 

 ચૂંટણી બાદથી સતત પેટ્રોલ અને ડીઝલની કિંમતોમાં વધારો જોવા મળી રહ્યો છે. આ પછી ૧૧ દિવસમાં ૨.૫૦ રૂપિયા સુધીનો ભાવ વધારો જોવા મળી રહ્યો છે.

 જો ડીઝલની વાત કરીએ તો આ સમયે ડીઝલના ભાવમાં ૧૧ દિવસમાં ૨.૭૮ રૂપિયાનો વધારો જોવા મળી રહ્યો છે.

 સોમવારે રાજધાનીમાં એક લિટર પેટ્રોલનો ભાવ ૯૨.૯૫ રૂપિયા અને ડીઝલનો ભાવ ૮૩.૫૧ રૂપિયાનો હતો. મુંબઈમાં ૯૯.૧૪ રૂપિયા અને ડીઝલ ૯૦,૭૧ રૂપિયા, કોલકત્તામાં પેટ્રોલ ૯૨.૯૨ રૂપિયા અને ડીઝલ ૮૬.૩૫ રૂપિયા રહ્યું હતું. ચેન્નઈમાં પેટ્રોલનો ભાવ ૯૪.૫૪ રૂપિયા અને ડીઝલની કિંમત ૮૮.૩૪ રૂપિયા રહી હતી.

(10:28 am IST)
  • ગુજરાતમાં પ્રવર્તમાન વાવાઝોડા અને વરસાદ ની પરિસ્થિતિમાં આરોગ્ય તંત્ર સ્ટેન્ડબાય હોવાને અનુલક્ષી ને સમગ્ર રાજ્યમાં કોરોના રસીકરણ ની કામગીરી આવતીકાલે પણ સ્થગિત રાખવાનો નિર્ણય કરવામાં આવ્યો છે : આ કામગીરી હવે તા. 20 મે 2021 ગુરુવાર થી ફરી શરૂ કરવામાં આવશે તેમ રાજ્ય સરકારે જણાવ્યું છે. access_time 7:24 pm IST

  • કોરોનાને રોકવા માટે જે કરવુ પડે એ કરોઃ તમને ફ્રી હેન્ડઃ ટેસ્ટિંગ, ટ્રેકિંગ, વેકસીનેશનનો આપ્યો મંત્ર : વડાપ્રધાન મોદીએ દિલ્હી, બિહાર, કર્ણાટક સહિત ૧૦ રાજયોના જીલ્લા અધિકારીઓને કર્યુ સંબોધન : અચકાયા વગર સંપૂર્ણ પ્રયત્ન કરો, મારા તરફથી બધી છૂટ છેઃ મોદીએ અધિકારીઓને ગણાવ્યા ફિલ્ડ કમાન્ડર access_time 3:51 pm IST

  • હવામાન ખાતાએ મોડી રાત્રે જાહેર કર્યા મુજબ સાયક્લોન તૌકતેની આખી આંખ (કેન્દ્ર) હવે સૌરાષ્ટ્રનો દરિયાકાંઠો વટાવી ને પૂર્ણતઃ જમીન પર આવી ગયું છે. ચક્રવાતનો પૂછડીયો (પાછળનો) ભાગ હવે જમીન પર પ્રવેશી રહ્યો છે. અત્યંત તીવ્ર ચક્રવાત તોફાન તૌકતે, જમીન પર પ્રવેશ્યા બાદ થોડો નબળો પડીને તીવ્ર ચક્રવાતી તોફાનમાં પરિવર્તિત થયું છે અને 17 મી મેના રોજ રાત્રે 11:30 વાગ્યે સૌરાષ્ટ્રમાં દીવથી આશરે 30 કિમી ઉત્તર-પૂર્વમાં કેન્દ્રિત હતું અને આગળ વધી રહ્યું છે. access_time 1:43 am IST