Gujarati News

નવી દિલ્હી, તા.૧૮: લખીમપુર ખેડૂતોના મોત મામલે ખેડૂતો રોષે ભરાયા છે અને સતત વિરોધ કરી રહ્યાં છે. આ કડીમાં યુનાઇટેડ કિસાન મોરચા (એસકેએમ) એ જણાવ્યું હતું કે લખીમપુર ખેરીમાં ખેડૂતોની હત્યાના મામલે કેન્દ્રીય ગૃહ રાજયમંત્રી અજય મિશ્રા ટેનીને બરતરફ અને ધરપકડ કરવાની માંગણી સાથે આંદોલન ચાલી રહ્યું છે. પહેલેથી જ જાહેર કરેલા કાર્યક્રમ મુજબ ૧૮ ઓકટોબરે ભારતમાં રેલ સેવા ખોરવાશે. તેમણે એમ પણ કહ્યું કે રેલ રોકો આંદોલન શાંતિપૂર્ણ રીતે રેલવેની સંપત્તિને નુકસાન પહોંચાડ્યા વગર કરવામાં આવશે. SKM એ તમામ ઘટકોને માર્ગદર્શિકાનું ચુસ્તપણે પાલન કરવાનું કહ્યું છે.

યુનાઇટેડ કિસાન મોરચાનું રાષ્ટ્રવ્યાપી રેલ રોકો આંદોલન શરૂ થયું છે, સાંજે ૪ વાગ્યા સુધી રેલ વ્યવહાર ખોરવાશે. હરિયાણાના બહાદુરગઢમાં ખેડૂતો રેલવે ટ્રેક પર બેઠા છે. લખનૌમાં કલમ ૧૪૪ લાગુ કરવામાં આવી છે. ખેડૂત નેતાઓને દ્યણી જગ્યાએ નજરકેદ કરવામાં આવ્યા છે.

સંયુકત કિસાન મોરચાના રેલ રોકો આંદોલન પર ઉત્ત્।ર રેલવેનું નિવેદન આવ્યું છે. ઉત્ત રેલવે CPRO એ કહ્યું કે અત્યાર સુધી આ આંદોલનથી ૩૦ સ્થળો પ્રભાવિત થયા છે. તો બીજી બાજુ ૮ ટ્રેનોનું નિયમન કરવું પડશે.

લખીમપુર ખેરી દ્યટનાના વિરોધમાં ભારતીય કિસાન યુનિયન (ટીકાઈટ) દ્વારા આજે રેલ રોકો આંદોલનની જાહેરાત બાદ રૂડકીમાં પોલીસ સાથે જીઆરપી એલર્ટ પર છે. ખેડૂતો રેલવે સ્ટેશન પહોંચી ગયા છે. જોકે, વિરોધ કરી રહેલા ખેડૂતો હજુ સુધી અહીં પહોંચ્યા નથી. પોલીસની સાથે સાથે જીઆરપીએ પણ એલર્ટ કર્યું

કૃષિ કાયદાઓ વિરુદ્ઘ ખેડૂતોના આંદોલન અને લખીમપુર ખેરીમાં ખેડૂતોની હત્યાના વિરોધમાં ૧૮ ઓકટોબરના રોજ ભાકિયુ (ટીકાઈટ) એ ટ્રેનો રોકવાની જાહેરાત કરી હતી. રેલ રોકો આંદોલનને સફળ બનાવવા BKUના અધિકારીઓ દ્વારા ખેડૂતોનો સંપર્ક કરવામાં આવી રહ્યો છે. પોલીસની સાથે સાથે જીઆરપીને પણ આ અંગે એલર્ટ કરવામાં આવ્યું છે.

રવિવારે ખેડૂતોના સંગઠનોએ રેલ રોકો આંદોલનને સફળ બનાવવા તૈયારીઓની સમીક્ષા કરી હતી. આ દરમિયાન રસ્તાને અવરોધવામાં આવશે નહીં, ફકત રેલને રોકવાનું કહેવામાં આવ્યું છે. ભારતીય કિસાન યુનિયનના પ્રદેશ અધ્યક્ષ રતન માનએ કહ્યું કે આ માટે તમામ જિલ્લાઓમાં કામદારોની ફરજ લાદવામાં આવી છે. સાથે જ રાકેશ બેંસે કહ્યું કે રેલ રોકો આંદોલન માટે તમામ તૈયારીઓ કરી લેવામાં આવી છે.