Gujarati News

પાકિસ્તાનના બલુચિસ્તાનમાં ફરી એકવાર વિસ્ફોટ થયો છે. બલૂચિસ્તાનની રાજધાની ક્વેટામાં સરિયાબ રોડ પર બલુચિસ્તાન યુનિવર્સિટી પાસે આ વિસ્ફોટ થયો હતો. પોલીસ સૂત્રોના જણાવ્યા અનુસાર, વિસ્ફોટ સરિયાબ રોડ પર પાર્ક કરેલા પોલીસ વાહન પાસે થયો હતો.

આ વિસ્ફોટમાં એકનું મોત થયું હતું અને પાંચ પોલીસ સહિત દસ લોકો ઘાયલ થયા હતા. ઘટનાની માહિતી મળતા જ કાયદા અમલીકરણ એજન્સીઓ અને બચાવ અધિકારીઓ ઘટનાસ્થળે પહોંચી ગયા હતા. સુરક્ષા અધિકારીઓએ વિસ્તારને કોર્ડન કરી લીધો છે.