Gujarati News

આગરા,તા.૧૮: : દેશમાં બાળકીઓ, સગીરાઓ, મહિલાઓ પર અવારનવાર રેપ થયા હોવાની ઘટના સામે આવતી રહે છે. પણ હવે તો વૃદ્ઘ મહિલાઓ પણ સલામત ન હોવાનો એક ચોંકાવનારો કિસ્સો સામે આવ્યો છે. ઉત્ત્।ર પ્રદેશના આગરા જિલ્લામાં એક ચોંકવનારી ઘટના સામે આવી છે. અહીં એક ૫૨ વર્ષીય આધેડે ૭૨ વર્ષની વૃદ્ઘ મહિલાને બંધક બનાવીને રેપ કર્યો હતો. ગમે તેમ કરીને વૃદ્ઘ મહિલા તેના ચુંગાલમાંથી છટકીને બહાર આવી ગઈ અને આપવીતી પોતાના પરિવારને સંભળાવી હતી. બાદમાં વૃદ્ઘ મહિલાના પરિવારે પોલીસ સ્ટેશનમાં ફરિયાદ નોંધાવી હતી. જે બાદ પોલીસે ગુનો નોંધીને આરોપીને ઝડપી પાડીને જેલ ભેગો કર્યો હતો. આ ઘટના બાદ વૃદ્ઘ મહિલા શોકમાં છે. આરોપી મહિલાને લગ્નમાં પુરીઓ વણવાનું કામ અપાવવાનું કહીને એક ઘરમાં લઈ ગયો હતો. જયાં તેણે વૃદ્ઘ મહિલાનો રેપ કર્યો હતો.

સિકંદરા વિસ્તારમાં રહેતી વૃદ્ઘ મહિલા ૧૪ નવેમ્બરે કોઈ કામથી બોદલા વિસ્તારમાં ગઈ હતી. અહીં એક ૫૨ વર્ષીય વિશાલ શર્મા નામના શખ્સ સાથે વૃદ્ઘ મહિલાની મુલાકાત થઈ હતી. પોલીસ અધિકારીઓએ જણાવ્યું કે, વિશાલ શર્માએ મહિલાને લગ્નમાં પુરીઓ વણવાનું કામ અપાવવાની વાત કરી હતી. એટલે વૃદ્ઘ મહિલા કામ માટે રાજી થઈ ગઈ અને તેની સાથે ગઈ હતી. આરોપી શખ્સ મહિલાને પોતાની સાથે બિચપુરી રોડ સ્થિત શિવ વિહાર કોલોનીમાં પોતાના ઘરે લઈ ગયો હતો. ઘરમાં કોઈ હતુ નહીં. શંકા જતા મહિલાએ લગ્ન સ્થળની જાણકારી પૂછી હતી. તો આરોપી તેને રૂમમાં લઈ ગયો અને બંધ કરી દીધો હતો. બાદમાં તેને બંધક બનાવીને રેપ કર્યો હતો.

આરોપી પીડિતાને રવિવારે પોતાની જાળમાં ફસાવીને લઈ ગયો હતો. સોમવારે સવારે મહિલા ગમે તેમ કરીને બહાર નીકળવામાં સફળ થઈ હતી, પરંતુ રસ્તામાં તે બેભાન થઈ ગઈ હતી. બીજી તરફ, વૃદ્ઘ મહિલા આખી રાત ઘરે ન પહોંચતા તેના પરિવારો પણ ચિંતિત બન્યા હતા. એ પછી પોલીસને વૃદ્ઘ મહિલા બેભાન હોવાની જાણકારી મળી હતી. જે બાદ પોલીસ ઘટના સ્થળે પહોંચી હતી અને બાદમાં તેમના પરિવારજનોને વાતની જાણ કરી હતી.

પરિવારજન આ વાત સાંભળીને ઘટના સ્થળે દોડી આવ્યા હતા. ત્યારે વૃદ્ઘ મહિલાએ આખી આપવીતી સંભળાવી હતી. એ પછી વૃદ્ઘ મહિલના બતાવેલા રસ્તાએથી પોલીસ આરોપીના ઘરે પહોંચી હતી. આરોપીનું નામ વિકાશ શર્મા છે. વૃદ્ઘ મહિલાની દીકરીની ફરિયાદના આધારે પોલીસે ગુનો દાખલ કર્યો હતો. આ સિવાય પોલીસે વૃદ્ઘ મહિલાને મેડિકલ ચેક અપ માટે મોકલ્યા અને આરોપીને ઝડપી પાડ્યો હતો. પીડિતાની દીકરીની ફરિયાદના આધારે જગદીશપુરા પોલીસે રેપ અને એસસી એસટી એકટ હેઠળ ગુનો નોંધી આરોપીને ઝડપી પાડી જેલ ભેગો કર્યો હતો.