Gujarati News

નવી દિલ્હી તા. ૧૮ : સુપ્રીમ કોર્ટે ગઇકાલે બોમ્બે હાઇકોર્ટના એ નિર્ણયને રદ્દ કરી દીધો છે. તેમાં કહેવામાં આવ્યું હતું કે, સ્કીન ટુ સ્કીનના સંપર્ક વગર નામાલિકના સ્તનને સ્પર્શ કર્યા વગર યૌનઉત્પીડનના રૂપે પરિભાષિત કરી શકાય નહી. જસ્ટિસ યુ યુ લલિત, જસ્ટીસ રવીન્દ્ર ભટ્ટ અને જસ્ટિસ બેલા ત્રિવેદીની ત્રણ સભ્યોની પીઠે કહ્યું કે, ખોટી ઇચ્છાથી કોઇ પણ પ્રકારે શરીરના સેકસુઅલ ભાગને સ્પર્શ ન કરવું એ પોકસો એકટનો મામલો માનવામાં આવશે. કોર્ટે કહ્યું કે, એવું કહિ શકાય નહી કે કપડા ઉપરથી બાળકને સ્પર્શ કરવું યૌનશોષણ નથી. એવી પરિભાષા બાળકોને શોષણથી બચાવા માટે બનેલા પોકસો એકટના હેતુ જ ખત્મ કરી દેશે. આ ઉપરાંત સુપ્રિમ કોર્ટે આ મામલે બોમ્બે હાઇકોર્ટથી છુટેલા આરોપીને દોષિત ગણાવ્યો. આરોપીને પોકસો એકટ હેઠળ ત્રણ વર્ષની સજા આપવામાં આવી.

હાઇકોર્ટના ફેંસલાને અસંગત ગણાવતા સુપ્રિમ કોર્ટે કહ્યું કે, પોકસો એકટ હેઠળ અપરાધ માનવા માટે ફિઝીકલ કે સ્કીન કોન્ટેકટની શરત રાખવી હાસ્યાસ્પદ છે. જો પરિભાષાને માનવામાં આવે તો 'ગ્લોઝ' પહેરીને રેપ કરનારા અપરાધથી બચી જશે.

બોમ્બે હાઈકોર્ટની નાગપુર બેન્ચે જાતીય સતામણીના આરોપીને નિર્દોષ જાહેર કર્યો હતો કે 'સ્કિન ટુ સ્કિન'ના સંપર્ક વિના સગીરના પ્રાઈવેટ પાર્ટને સ્પર્શ કરવો અથવા તેને પકડવો POCSO એકટ હેઠળ આવતો નથી. એટર્ની જનરલ કેકે વેણુગોપાલે આની સામે સુપ્રીમ કોર્ટમાં અરજી કરી હતી. આ સાથે જ સુપ્રીમ કોર્ટે હાઈકોર્ટના આ નિર્ણયને બદલીને મોટો નિર્ણય આપ્યો છે.એટર્ની જનરલ વેણુગોપાલે સુનાવણી દરમિયાન દલીલ કરી હતી કે એકટની કલમ-૮ હેઠળ 'સ્કિન ટુ સ્કિન' સંપર્કને જાતીય હુમલાના ગુના તરીકે વ્યકત કરવામાં આવ્યો નથી. તેમણે કહ્યું કે હાઈકોર્ટના ન્યાયાધીશે અવલોકન કર્યું કે બાળકના સ્તનનેસ્પર્શ કરવાના ગુના માટે ત્રણ વર્ષની સજા ખૂબ જ કડક હતી પરંતુ તેમણે નોંધ્યું ન હતું કે કલમ VII આવા તમામ કૃત્યો સાથે વ્યાપક રીતે વ્યવહાર કરે છે અને આવા ગુનાઓ માટે ત્રણ વર્ષની સજાની જોગવાઈ છે. ન્યૂનતમ સજા તરીકે વર્ષો.

વેણુગોપાલે કહ્યું કે આઈપીસીની કલમ ૩૫૪ મહિલાને લગતી છે અને ૧૨ વર્ષના બાળક માટે નહીં, જેમ કે હાલના કેસમાં છે. POCSO એ એક વિશેષ કાયદો છે જેનો ઉદ્દેશ્ય એવા બાળકોનું રક્ષણ કરવાનો છે જેઓ વધુ સંવેદનશીલ હોય છે. આવી સ્થિતિમાં, કોઈ એવું ન કહી શકે કે IPCની કલમ ૩૫૪ સમાન છે. વેણુગોપાલે દલીલ કરી હતી કે હાઈકોર્ટના નિર્ણયનો અર્થ એવો થાય છે કે સર્જિકલ ગ્લોવ્ઝ પહેરીને બાળકનું યૌન શોષણ કરનાર વ્યકિતને નિર્દોષ જાહેર કરવામાં આવશે. તેમણે દલીલ કરી હતી કે નિર્ણય અસાધારણ પરિસ્થિતિઓ તરફ દોરી જશે. વેણુગોપાલે કહ્યું કે POCSO હેઠળ ગુના માટે 'સ્કિન ટુ સ્કિન' જરૂરી નથી.