Gujarati News

મુંબઈ, તા.૧૮: નાણાકીય પ્રભાવકો યુટયુબ, ફેસબુક, ટેલિગ્રામ સહિતના વિવિધ સોશિયલ મીડિયા પ્‍લેટફોર્મ દ્વારા દેશના લોકોને નાણાકીય સલાહ અને સ્‍ટોક ટીપ્‍સ આપી રહ્યા છે. ઘણી વખત રોકાણકારો તેમના સૂચનોનો શિકાર બનીને તેમની મહેનતની કમાણી ગુમાવે છે. દેશમાં નાણાકીય પ્રભાવકોના વધતા આધારને ધ્‍યાનમાં રાખીને, માર્કેટ રેગ્‍યુલેટર સેબી ટૂંક સમયમાં રિટેલ રોકાણકારોને છેતરપિંડીથી બચાવવા માટે આ નાણાકીય પ્રભાવકો પર દેખરેખ રાખવા માટે માર્ગદર્શિકા બહાર પાડવા માટે તૈયાર છે.

છેલ્લા એક વર્ષમાં, IPO અને સ્‍ટાર્ટઅપ ટેક કંપનીઓના સ્‍ટોક એક્‍સચેન્‍જમાં લિસ્‍ટિંગ દરમિયાન આ નાણાકીય પ્રભાવકોની ભૂમિકા ખૂબ જ શંકાસ્‍પદ રહી છે. કંપનીઓ આ પ્રભાવકોને તેમના શેરના ભાવમાં વધારો કરવા માટે ચૂકવણી કરે છે અને તેઓ રોકાણકારોને આ કંપનીઓમાં રોકાણ કરવાનું સૂચન કરે છે.

સેબીના નિયમો અનુસાર, નાણાકીય પ્રભાવકોએ પોતાની નોંધણી કરાવવી પડશે. દેશમાં ૧૩૦૦થી વધુ નાણાકીય સલાહકારો છે, પરંતુ ફાઇનાન્‍શિયલ ઇન્‍ફ્‌લુઅન્‍સર્સના વધતા પ્રભાવે સેબીની ચિંતા પણ વધારી દીધી છે. ૨૦૨૧-૨૨માં તેમની સાથે છેતરપિંડીના લગભગ ૫૦૦ કેસ નોંધાયા હતા. સેબીના સભ્‍ય એસકે મોહંતીએ કહ્યું કે, કોરોના પછી શેરબજારમાં નાના રોકાણકારોની સંખ્‍યામાં વધારો થયો છે. આ સાથે, રોકાણની સલાહ આપનારા લોકોની સંખ્‍યામાં પણ વધારો થયો છે, જેઓ આ હોવા છતાં IPO, શેરની ખરીદી અને વેચાણ જેવા સૂચનો આપવા માટે અધિકળત નથી.

દેશમાં ૧૩૦૦ ફાય-એડવાઇઝરો મોજુદ છે. ૨૦૨૦-૨૧માં ૫૦૦થી વધુ છેતરપીંડીના કેસ સામે આવ્‍યા છે.