ઈસ્લામાબાદ, તા.૧૮ : પાડોશી દેશ પાકિસ્તાન મોટા આર્થિક સંકટમાં ફસાઈ જવાનો ભય વધી ગયો છે. રાજકીય કટોકટી અને ઇન્ટરનેશનલ મોનેટરી ફંડ (આઈએમએફ) સાથે લોન વાટાઘાટો અંગેની અનિશ્ચિતતાએ તેની લોનની ચુકવણીમાં ડિફોલ્ટ થવાનું જોખમ વધાર્યું છે. બીજી તરફ, બહુચર્ચિત સીઈપીસી પ્રોજેક્ટ પણ અટકી ગયો હોય તેવું લાગી રહ્યું છે.
એક અહેવાલ મુજબ, દેશ ડિફોલ્ટર બનવાનું જોખમ ઘણું વધી ગયું છે. દેશના ડિફોલ્ટર બનવાના જોખમને પાંચ વર્ષના ક્રેડિટ-ડિફોલ્ટ સ્વેપ (સીડીએસ) દ્વારા માપવામાં આવે છે. સીડીએસ એ એક પ્રકારનો વીમા કરાર છે જે રોકાણકારને દેશના ડિફોલ્ટના કિસ્સામાં નાણાકીય સુરક્ષા પ્રદાન કરે છે.
બુધવારે પાકિસ્તાનની સીડીએસ વધીને ૭૫.૫ ટકા થઈ ગઈ છે. અગાઉ તે ૫૬.૨ ટકા હતો. આર્થિક સંશોધન ફર્મના જણાવ્યા અનુસાર, સીડીએસમાં વધારો ગંભીર સ્થિતિનો સંકેત આપી રહ્યો છે. સીડીએસમાં વધારો થવાને કારણે પાકિસ્તાન સરકાર માટે બોન્ડ અથવા કોમર્શિયલ બોરોઇંગ દ્વારા બજારોમાંથી વિદેશી હૂંડિયામણ એકત્ર કરવું અત્યંત મુશ્કેલ બનશે. પાકિસ્તાનને તેની વિદેશી દેવાની જવાબદારી પૂરી કરવા માટે વર્તમાન નાણાકીય વર્ષમાં ૩૨ થી ૩૪ અબજ ડોલરની જરૃર છે. નાણાકીય નિષ્ણાતોના મતે, બાકીના નાણાકીય વર્ષમાં પાકિસ્તાનને લગભગ ૨૩ અબજ ડોલરની જરૃર છે. આ માટે પાકિસ્તાન આઈએમએફ પાસેથી લોન લેવા માટે સતત પ્રયાસ કરી રહ્યું છે.
પાકિસ્તાને આઈએમએફને તેની રેવન્યુ ડેફિસિટને ૧૫૦૦ અબજ સુધી ઘટાડવાનું વચન આપ્યું છે, પરંતુ તે આમ કરી શકશે તેવું લાગતું નથી. દરમિયાન, મોનેટરી ફંડે પાકિસ્તાન સાથે નવેમ્બરના પ્રથમ સપ્તાહમાં થનારી મંત્રણાને ત્રીજા સપ્તાહ સુધી સ્થગિત કરી દીધી છે. પાકિસ્તાને આઈએમએફને અગાઉ આપેલા વચનો પૂરા કરવા પડશે. જેમાં પેટ્રોલ પર ટેક્સ વધારવાના વચનનો સમાવેશ થાય છે.
બીજી તરફ ચીન પાકિસ્તાન ઈકોનોમિક કોરિડોર (સીપીઈસી) પ્રોજેક્ટના અમલીકરણને લઈને આશંકાઓ વધી રહી છે. તે અપેક્ષિત ગતિએ આગળ વધી રહ્યું નથી.સિંગાપોર પોસ્ટના એક અહેવાલ મુજબ, ચીનને પાકિસ્તાનમાં પૂરો વિશ્વાસ નથી, જ્યારે ઈસ્લામાબાદ તેને પોતાનો ઓલ-વેધર મિત્ર ગણાવે છે. પ્રોજેક્ટ્સના એન્જિનિયરો પર થયેલા હુમલાએ પાકિસ્તાનમાં ચીનનો વિશ્વાસ પણ ડગમગ્યો છે.
જો કે હવે પાકિસ્તાને ચીની નાગરિકોને બુલેટ પ્રુફ કાર આપી છે. સીપીઈસી પ્રોજેક્ટ પાકિસ્તાન માટે ખૂબ જ મહત્વપૂર્ણ છે કારણ કે તે તેને વીજળી ઉત્પન્ન કરવામાં મદદ કરશે અને વર્તમાન ૧૬ કલાક દૈનિક વીજ કાપમાંથી રાહત મેળવશે.
વરસાદની સંભાવનાને ધ્યાનમાં રાખીને વાશિમ અને યવતમાલમાં યલો એલર્ટ
મહારાષ્ટ્રના ઘણા ભાગોમાં વરસાદની સંભાવના : અલગ-અલગ સ્થળોએ ૩૦ થી ૪૦ કિમી પ્રતિ કલાકની ઝડપે વીજળીના ચમકારા સાથે વરસાદ પડવાની સંભાવના
મુંબઈ, તા.૧૮ : મુંબઈ સહિત મહારાષ્ટ્રના ઘણા ભાગોમાં વરસાદની સંભાવના છે. હવામાન કેન્દ્ર મુંબઈ પાલઘર, થાણે, રાયગઢ, રત્નાગીરી, સિંધુદુર્ગ, અહેમદનગર, પુણે, કોલ્હાપુર, સતારા, સાંગલી, સોલાપુર, પરભણી, બીડ, નાંદેડ, લાતુર, ઉસ્માનાબાદ, બુલઢાણામાં વરસાદની સંભાવનાને ધ્યાનમાં રાખીને વાશિમ અને યવતમાલમાં યલો એલર્ટ જારી કરવામાં આવ્યું છે.
બીજી તરફ હવામાન વિભાગે થાણે, મુંબઈ, રાયગઢ, રત્નાગીરી, સિંધુદુર્ગ, અહેમદનગર, પુણે, કોલ્હાપુર, સતારા, સાંગલી, સોલાપુર, ઔરંગાબાદ, જાલના, પરભણી, બીડ, હિંગોલી, નાંદેડમાં વરસાદની આગાહી કરી છે. લાતુર, ઉસ્માનાબાદમાં યલો એલર્ટ જારી કરવામાં આવ્યું છે. હવામાન વિભાગે વીજળીના ચમકારા સાથે વરસાદ અને તેજ ઝડપે પવન ફૂંકાવાની આગાહી કરી છે. હવામાન વિભાગે જણાવ્યું કે, અલગ-અલગ સ્થળોએ ૩૦ થી ૪૦ કિલોમીટર પ્રતિ કલાકની ઝડપે ગાજવીજ અને વીજળીના ચમકારા સાથે વરસાદ પડવાની સંભાવના છે. બીજી તરફ, મહારાષ્ટ્રમાં હવાની ગુણવત્તા સૂચકાંક મોટાભાગના શહેરોમાં 'સારાથી સંતોષકારક' શ્રેણીમાં નોંધાઈ રહ્યો છે.