Gujarati News

Gujarati News

News of Wednesday, 19th May 2021

ઇઝરાયલની આર્મીમાં 50 ટકા મહિલા : ૩૧ લાખના લશ્કરમાં 15 લાખથી વધુ મહિલા સૈનિકો

હાયર સેકન્ડરીનો સ્ટડી પૂર્ણ થતા યુવકોએ ૪ વર્ષ અને યુવતીએ ૩ વર્ષ ફરજિયાત મિલિટરી સર્વિસ જોઇન કરવી પડે

જેરુસલામ :અરબ દેશો સાથે યુદ્વો અને દુશ્મનાવટનો ઇતિહાસ ધરાવતા ઇઝરાયેલ દેશની આર્મીમાં ૫૦ ટકા મહિલાઓ છે. જે દુનિયાના કોઇ પણ દેશના લશ્કરમાં જોવા મળતી સૌથી વધુ સંખ્યા છે. ઇઝરાયેલે ૧૯૪૮માં આરબ ઇઝરાયેલ વચ્ચે થયેલા વૉરમાં પ્રથમ વાર ૨૦ હજાર મહિલા સૈનિકોને મેદાનમાં ઉતારી હતી.એ સમયે ઇઝરાયેલી મહિલાઓ હિંમતપૂર્વક લડી તેની દુનિયાએ નોંધ લીધી હતી.આજે કુલ ૩૧ લાખની આર્મીમાં ૧૬ લાખ પુરુષો અને ૧૫.૧૪ લાખ મહિલાઓ છે.આ દેશમાં હાયર સેકન્ડરીનો સ્ટડી પુરો થયા પછી યુવકોએ ૪ વર્ષ અને યુવતીએ ૩ વર્ષ ફરજિયાત મિલિટરી સર્વિસ જોઇન કરવી પડે છે. મહિલાઓ માટે લશ્કરી તાલીમ પુરુષો જેટલી જ હાર્ડ હોય છે.

ઘાતક શસ્ત્રોથી લેસ મહિલા સૈનિકો કોઇ પણ પ્રકારના ટેરરિસ્ટ હુમલાને એકલા હાથે પહોંચી વડે તેવી સક્ષમ બનાવવામાં આવી છે.ઇઝરાયલના પગલે આરબ સહિત દુનિયામાં અનેક દેશોએ આર્મીમાં મહિલાઓની ભર્તી કરી છે.

ઇઝરાયેલમાં દરેકના ઘરે ઘાતક હથિયારો હોય છે.જેમાં મહિલાઓ પણ હથીયાર લટકાવીને બહાર નિકળી શકે છે. એક સમયે મહિલાઓની માત્ર ભૂમિદળમાં જ સેવાઓ લેવામાં આવતી હતી.

આજે મહિલાઓ એરફોર્સ સહિત લશ્કરના અનેક વિભાગોમાં મહત્વના પદ પર સેવા આપે છે. આ માટે એરોનોટિકલ એન્જિનિયરિંગની સ્ટુડન્ટ એલિસ મિલર જેવી અનેક મહિલાએ સંઘર્ષ પણ કર્યો હતો. ઇઝરાયેલની વાયુસેના દુનિયાની ચોથા નંબરની શકિતશાળી સેના છે. ઇઝરાયેલ આખો દેશ એન્ટીબેલાસ્ટિક મિસાઇલથી સજજ છે. ઇઝરાયેલ વિશ્વમાં પોતાના જીડીપીનો સૌથી વધુ ખર્ચ ડિફેન્સ માટે કરે છે. ઇઝરાયલનો દરેક નાગરિક પણ હથિયાર ચલાવવાનું જાણે છે.

(12:00 am IST)