Gujarati News

Gujarati News

News of Thursday, 20th January 2022

જ્યારે દરેક પુરૂષ કરે છે ૨ લગ્નઃ બહેનોની જેમ સાથે રહે છે સોતનો

જેસલમેરના રામદેવ ગામમાં રહેતા દરેક વ્યકિતના બે લગ્ન થયા છે

જેસલમેર,તા. ૨૦ : ભારત હોય કે અન્ય કોઈ દેશ, મોટા ભાગના સ્થળોએ વ્યકિતને એક જ પત્ની અથવા પતિનો અધિકાર છે ભારતમાં એકવાર લગ્ન કર્યા પછી છૂટાછેડા વિના ફરીથી લગ્ન કરવા ગેરકાયદેસર છે. પરંતુ આજે આપણે જે ગામની વાત કરી રહ્યા છીએ તે ભારતના રાજસ્થાન માં સ્થાયી થયું છે.

સૌથી વિચિત્ર વાત એ છે કે અહીંના દરેક પુરુષના બે લગ્ન થયા છે પરંતુ કાયદો તેમને સજા આપતો નથી કે પુરુષની પત્નીઓ તેમના અધિકારો માટે લડતી નથી. તેના બદલે, બંને પત્નીઓ બહેનોની જેમ સાથે રહે છે.

અમે વાત કરી રહ્યા છીએ રાજસ્થાનના જેસલમેરના રામદેવ ગામની. આ ગામમાં રહેતા દરેક વ્યકિતના બે લગ્ન થયા છે. આ લગ્નો પાછળ દ્યણો જૂનો રિવાજ છે. કહેવાય છે કે આ ગામમાં માત્ર એક જ લગ્ન કરનારની પત્નીએ ગર્ભ ધારણ કર્યો નથી. પહેલી પત્ની ગર્ભવતી બને તો પણ તે માત્ર દીકરીને જ જન્મ આપે છે. આવી સ્થિતિમાં લોકો બીજા લગ્ન કરી લે છે.

સૌથી નવાઈની વાત એ છે કે દરેક માણસને તેની બીજી પત્નીનો પુત્ર જ થાય છે. આવી પરિસ્થિતિમાં વંશનું નામ આગળ વધારવા માટે પુરુષોએ ફરીથી લગ્ન કરવાની જરૂર પડે છે. પરંતુ જયાં પત્ની પોતાના પતિને બીજા કોઈની સાથે શેર કરવા તૈયાર નથી, ત્યારે બંને સોતનો આ ગામમાં બહેનોની જેમ સાથે રહે છે. બહેનોની જેમ દરેક દ્યરમાં મહિલાઓ સાથે રહે છે. ખરેખર, દરેક વ્યકિત આ પરંપરા વિશે જાણે છે. મહિલાઓએ તેને તેમના ભાગ્ય તરીકે સ્વીકાર્યું છે અને તેમના પતિના બીજા લગ્નને અપનાવ્યા છે.

જોકે નવી પેઢીના લોકો હવે આ રિવાજથી દૂર થઈ રહ્યા છે. તે માત્ર ગેરકાયદેસર જ નથી પરંતુ લોકો તેને પુરુષો માટે ફરીથી લગ્ન કરવાનું બહાનું પણ કહી રહ્યા છે. આ વિચિત્ર પરંપરાને કારણે આ ગામ પ્રખ્યાત છે. આ ગામના આ રિવાજની પોલીસને પણ જાણ છે. તેમ છતાં, અહીં બીજા લગ્ન માટે કોઈની ધરપકડ કરવામાં આવી નથી.

(10:05 am IST)