Gujarati News

Gujarati News

News of Friday, 20th November 2020

૭ વર્ષ પહેલા દુકાનનું નામ રાખ્યું હતું 'કોરોના': છેક હવે થયો ફાયદો!

આ દુકાન લોકોના આકર્ષણનું કેન્દ્ર બની ગઈ છે

કોચી, તા.૨૦: કોરોના વાયરસની આ મહામારીમાં કોરોના શબ્દ હવે ઘરે-ઘરે પ્રચલિત થઈ ગયો છે. પણ, કેરળના એક વેપારીએ આજથી ૭ વર્ષ પહેલા પોતાની દુકાનનું નામ 'કોરોના' રાખ્યું હતું. જયારે હવે દેશ-દુનિયામાં કોરોના વાયરસની મહામારી ફેલાવાના કારણે કેરળના આ વેપારીની દુકાન ત્યાંના સ્થાનિક લોકોમાં પ્રખ્યાત થઈ ગઈ છે. હવે 'કોરોના' નામની આ દુકાન લોકોના આકર્ષણનું કેન્દ્ર બની ગઈ છે.

કેરળના કોટ્ટાયમમાં આવેલી આ 'કોરોના' નામની દુકાનના માલિકનું નામ જયોર્જ છે. તેમણે આજથી ૭ વર્ષ પહેલા પોતાની દુકાનનું નામ 'કોરોના' રાખ્યું હતું. જયારે તેમણે પોતાની દુકાનનું નામ 'કોરોના' રાખ્યું ત્યારે તેઓને એ વાતનો સહેજપણ અંદાજો નહોતો કે કોરોના નામથી એક દિવસ આખી દુનિયા ડરી જશે. હવે 'કોરોના' નામની આ દુકાન ખૂબ જ પ્રખ્યાત થઈ ગઈ છે.

'કોરોના' નામની આ દુકાનના માલિકનું કહેવું છે કે કોરોના વાયરસની મહામારી પછી તેમની દુકાનમાં વધુને વધુ લોકો આવી રહ્યા છે, જેના કારણે મને ફાયદો થઈ રહ્યો છે. હવે સોશિયલ મીડિયા પર પણ 'કોરોના' નામની આ દુકાનને લઈને લોકોની વિવિધ પ્રતિક્રિયા જોવા મળી રહી છે.

કેરળમાં આવેલી 'કોરોના' નામની આ દુકાનના માલિકે જણાવ્યું કે કોરોના શબ્દનો અર્થ ક્રાઉન એટલે કે મુગટ એવો થાય છે. આ એક લેટિન શબ્દ છે. હવે 'કોરોના' નામ મારા બિઝનેસ માટે ફાયદાકારક સાબિત થઈ રહ્યું છે. 'કોરોના' નામની આ દુકાનમાં રસોડું, વોર્ડરોબ સહિત ઘર માટે જરૂરી સામાન મળે છે.

(9:49 am IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • ગુજરાત પ્રદેશ ભાજપના માળખાની આજે જાહેરાત થવા સંભાવના access_time 4:24 pm IST