Gujarati News

Gujarati News

News of Saturday, 21st November 2020

૨૪ કલાકમાં ૪૬૨૩૨ કેસઃ ૫૬૪ના મોત

કુલ કેસ ૯૦,૫૦,૫૯૭: કુલ મૃત્યુ ૧૩૨૭૨૬

નવી દિલ્હી, તા.૨૧: ગુજરાતમાં કોરોનાએ ફરીથી માથું ઊંચકયું છે. આ સમયે દેશમાં છેલ્લા ૨૪ કલાકમાં નોંધાયેલા કોરોના વાયરસના કેસની વાત કરીએ તો કોરોના વાયરસના નવા ૪૬,૨૩૨ કેસ નોંધાયા છે. સ્વાસ્થ્ય મંત્રાલય તરફથી શનિવારે સવારે જાહેર કરવામાં આવેલા આંકડા પ્રમાણે છેલ્લા ૨૪ કલાકમાં કોરોનાને કારણે દેશમાં ૫૬૪ લોકોનાં મોત થયા છે.

 નવા આંકડા જાહેર થયા બાદ દેશમાં કોરોના વાયરસના કુલ કેસની સંખ્યા ૯૦,૫૦,૫૯૭ થઈ છે. આ સાથે દેશમાં હાલ કોરોના વાયરસના સક્રિય કેસની સંખ્યા ૪,૩૯,૭૪૭ થઈ છે. દેશમાં કોરોનાથી સાજા થયેલા લોકોની સંખ્યા ૮૪,૭૮,૧૨૪ થઈ છે. આ સાથે દેશમાં કોરોનાથી સાજા થવાના દર ૯૩.૭ ટકા થયા છે. છેલ્લા ૨૪ કલાકમાં દેશમાં ૪૯,૭૧૫ લોકોએ કોરોનાને મ્હાત આપી છે  મોતનાં આંકડાની વાત કરીએ તો દેશમાં અત્યારસુધી કોરોનાને કારણે કુલ ૧,૩૨,૭૨૬ લોકોએ જીવ ગુમાવ્યો છે. આ સાથે દેશમાં મૃત્યુદર ૧.૫ ટકા થયો છે. કોરોના ટેસ્ટની વાત કરીએ તો દેશમાં ૨૦મી નવેમ્બરના રોજ ૧૦,૬૬,૦૨૨ સેમ્પલની તપાસ કરવામાં આવી હતી. આ સાથે દેશમાં અત્યારસુધી કુલ ૧૩,૦૬,૫૭,૮૦૮ સેમ્પલની તપાસ કરવામાં આવી ચૂકી છે.

 ગુજરાતમાં કોરોનાના નવા ૧૪૨૦ કેસઃ રાજયમાં છેલ્લા ૨૪ કલાકમાં કોરોના વાયરસના ૧,૪૨૦ નવા કેસ નોંધાયા છે. જેની સામે ૧૦૪૦ દર્દીઓ સાજા થયા છે. છેલ્લા ૨૪ કલાકમાં રાજયમાં કોવિડ-૧૯ને કારણે સાત દર્દીઓનાં મોત થયા છે. આ સાથે રાજયમાં કુલ મૃત્યુઆંક ૩,૮૩૭ થયો છે. રાજયમાં અત્યારસુધી કોરોનાના કુલ ૧,૯૪,૪૦૨ કેસ નોંધાયા છે. હાલ રાજયમાં કોરોનાના ૧૩,૦૫૦ સક્રિય કેસ છે. શુક્રવારે રાજયમાં કુલ ૬૭,૯૦૧ ટેસ્ટ કરવામાં આવ્યા છે. રાજયમાં સાજા થવાનો દર ૯૧.૩૧ ટકા છે.

(3:30 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • અમેરિકી નાગરિકોને અફઘાનિસ્તાન છોડી દેવા અપાયેલ ચેતવણી:કાબુલ, અફઘાનિસ્તાનમાં બહુવિધ રોકેટ હુમલા થયાના પગલે અમેરિકાએ તેના નાગરિકોને અફઘાનિસ્તાન છોડી બહાર નીકળી જવા માટે ચેતવણી સાથે અપીલ કરી છે. ( પ્રતીકાત્મક તસ્વીર) access_time 12:44 am IST

  • ઈરાકમાં આતંકી હુમલો: આઠના મોત:બગદાદ: ઈરાકના સલાહાદિન પ્રાંતમાં આઈએસઆઈએસ આતંકીઓએ હુમલો કરતા 6 સૈનિકો સહિત 8 લોકો માર્યા ગયાના અહેવાલો મળે છે. (પ્રતીકાત્મક તસ્વીર) access_time 12:46 am IST