Gujarati News

Gujarati News

News of Wednesday, 21st April 2021

મુરાદાબાદમાં બે દર્દીઓના મૃતદેહોની અદલા-બદલી

કોરોના સારવારમાં-મૃતદેહોના નિકાલમાં અંધાધૂંધી : મુરાદાબાદની કોસમોસ હોસ્પિટલમાં એક દિવસે બે દર્દીના મોત થયા જેમાં હોસ્પિટલ કર્મીઓની બેદરકારી સામે આવી

મુરાદાબાદ, તા.૨૧ : કોરોના કાળમાં હોસ્પિટલોમાં સારવારના પણ ફાંફા પડી રહ્યા છે અને બેડ મળતા નથી.મૃતદેહોના નિકાલ કરવામાં પણ ભારે અંધાધૂધી જોવા મળી રહી છે. આવા એક કિસ્સામાં યુપીના મુરાદાબાદ જિલ્લામાં હોસ્પિટલ સત્તાધીશોની લાપરવાહીના કારણે કોરોનાથી મોતને ભેટનારા બે દર્દીઓના મૃતદેહોની અદલાબદલી થઈ ગઈ હતી.ફિલ્મની સ્ક્રિપ્ટ જેવા આ કિસ્સામાં મુરાદાબાદના કોસમોસ હોસ્પિટલમાં એક જ દિવસે બે દર્દીઓના મોત થયા હતા.

એકનુ નામ રામ પ્રતાપ સિંહ અને એકનુ નામ નસીર અહેમદ હતુ. બંનેના મોત એક જ દિવસે થયા બાદ તેમના પરિવારજનોને સૂચના આપવામાં આવી હતી. કોરોનાના પ્રોટોકોલ પ્રમાણે તેમના મૃતદેહને સીલ કરીને તેમના પરિવારજનોને સોંપવામાં આવ્યા હતા.

રામસિંહના પરિવારજનો મૃતદેહને લઈને સ્મશાન ખાતે પહોંચ્યા હતા. જ્યાં રામસિંહના પુત્રે સીલ ખોલીને પિતાના અંતિમ દર્શન કર્યા ત્યારે તે ચોંકી ઉઠ્યો હતો. કારણકે આ મૃતદેહ તેના પિતાનો નહોતો.

આમ મૃતદેહને ચિતા પરથી પાછો લેવામાં આવ્યો હતો. પરિવારજનોએ પોલીસને પણ બોલાવી હતી.એ પછી હોસ્પિટલ સત્તાધીશો સાથે વાત થઈ હતી. મૃતદેહ લઈને પરિવારજનો પાછા હોસ્પિટલ પહોંચ્યા હતા. એ પછી મોડી સાંજે નસીર અહેમદના પરિવારજનોની પૂછપરછ કરવામાં આવી ત્યારે ખબર પડી હતી કે, તેમણે નસીર અહેમદના મૃતદેહની દફનવિધિ કરી દીધી છે. જોકે તેમને કહેવામાં આવ્યુ હતુ કે, નસીર અહેમદની જગ્યાએ રામસિંહનો મૃતદેહ તેમને સોંપાયો હતો.

એ પછી રામસિંહના પરિવારજનો સાથે પોલીસ કબ્રસ્તાન પહોંચી હતી. જ્યાં દફન કરાયેલા રામસિંહના મૃતદેહને પાછો કાઢવામાં આવ્યો હતો. પરિવારજનોને મૃતદેહ સુપરત કરાયા બાદ નસીર અહેમદના પરિવારજનોને બોલાવવામાં આવ્યા હતા. તેમને નસીર અહેમદનો મૃતદેહ આપવામાં આવ્યો હતો અને રામસિંહના મૃતદેહના આખરે અંતિમ સંસ્કાર કરાયા હતા.

એ તો નસીબ સારુ કે રામસિંહના પુત્રે અંતિમ સંસ્કાર કરતા પહેલા મૃતદેહનો ચહેરો જોઈ લીધો હતો. નહીંતર નસીરની દફનવિધિ ના થાત અને રામસિંહના અંતિમ સંસ્કાર ના થાત. જોકે હજી સુધી આ મામલામાં બંને મૃતકોમાંથી કોઈના પરિવારજનોએ પોલીસ ફરિયાદ કરી નથી. જો ફરિયાદ થશે તો પોલીસ કાર્યવાહી કરશે તેવુ પોલીસ અધિકારીનુ કહેવુ છે.

(7:46 pm IST)
  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST

  • અમેરિકા : જ્યોર્જ ફ્લોયડના મૃત્યુમાં ભૂતપૂર્વ મિનીએપોલિસ અધિકારી ડેરેક ચૌવિનને ખૂન અને હત્યાકાંડના આરોપમાં દોષી ઠેરવવામાં આવ્યા છે. ફ્લોયડના મોતથી જાતિવાદ સામે વિશ્વવ્યાપી વિરોધ પ્રદર્શિત થયો હતો, જ્યારે વીડિયો બતાવવામાં આવ્યું હતું કે ચૌવિને તેના ગળા પર ઘૂંટણ લગાવીને જમીન પર ફ્લોઇડને દબાવવાથી તે મોતને ભેટ્યા હતા. access_time 10:07 am IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST