Gujarati News

ન્યુદિલ્હી : પોસ્ટ ગ્રેજ્યુએટ બેઠકોમાં આર્થિક રીતે નબળા લોકો માટે કેન્દ્ર સરકારે 8 લાખ રૂપિયાની આવક મર્યાદા નક્કી કરતા સુપ્રીમ કોર્ટે ખુલાસો માંગ્યો છે. આવક  મર્યાદા નક્કી કરતા પહેલા કોઈ અભ્યાસ હાથ ધરવામાં આવ્યો હતો કે કેમ ? તેવો સવાલ પૂછ્યો છે.  આ આવક મર્યાદા અન્ય પછાત વર્ગો માટે નક્કી કરેલી મર્યાદા જેટલી જ છે . આથી પછાત વર્ગ,ઓબીસી, અને અન્ય વર્ગને સમાન ગણવા બદલ સુપ્રીમ કોર્ટે કેન્દ્ર સરકારનો ખુલાસો માંગ્યો છે.તથા સોગંદનામું દાખલ કરવા જણાવ્યું છે.

સુપ્રીમ કોર્ટે ગુરુવારે કેન્દ્ર સરકારને નેશનલ એલિજિબિલિટી કમ એન્ટ્રન્સ ટેસ્ટ દ્વારા અનુસ્નાતક મેડિકલ બેઠકો માટે આર્થિક રીતે નબળા વિભાગ (EWS) કેટેગરી હેઠળ આરક્ષણ મેળવવા માટે રૂપિયા 8 લાખની વાર્ષિક આવક મર્યાદા શા માટે નક્કી કરી છે તેનું કારણ આપતું સોગંદનામું દાખલ કરવાનો નિર્દેશ આપ્યો છે. (NEET)

જસ્ટિસ ડીવાય ચંદ્રચુડની આગેવાની હેઠળની ત્રણ જજની બેન્ચે નોંધ્યું હતું કે ઇડબ્લ્યુએસ માટે ₹ 8 લાખની આવક મર્યાદા અન્ય પછાત વર્ગો (ઓબીસી) માંથી ક્રીમી લેયરને બાકાત કરવા માટે કટ ઓફ જેવી જ છે.

તેથી, EWS માટે સમાન મર્યાદા નક્કી કરતા પહેલા કોઈપણ અભ્યાસ હાથ ધરવામાં આવ્યો હતો કે કેમ તે અંગે ગંભીર મંતવ્ય વ્યક્ત કર્યું હતું.
તમારી પાસે અમુક વસતી  વિષયક અથવા સમાજશાસ્ત્રીય અથવા સામાજિક આર્થિક ડેટા હોવો જોઈએ.

પરંતુ ઓબીસી અને ઇડબ્લ્યુએસ પર સમાન મર્યાદા લાગુ કરીને, તમે અસમાનને સમાન ગણી રહ્યા છો, અદાલત અન્ય પછાત વર્ગ (OBC) માટે 27% અનામત અને અનુસ્નાતક તબીબી અભ્યાસક્રમો માટે અખિલ ભારતીય ક્વોટા બેઠકોમાં EWS માટે 10% અનામત અંગે પડકારની સુનાવણી કરી રહી હતી.

આ મામલે ફરી 28 ઓક્ટોબરે સુનાવણી થશે.તેવું બી.એન્ડ બી.દ્વારા જાણવા મળે છે.