Gujarati News

Gujarati News

News of Saturday, 21st November 2020

પત્નિ હવે એક RTI કરીને પતિનો પગાર તથા આવકના સ્ત્રોતની જાણકારી મેળવી શકશે

નવી દિલ્હી, તા.૨૧: કેન્દ્રિય માહિતી આયોગ દ્વારા કરાયેલા એક આદેશ મુજબ, હવે મહિલાઓ આવકવેરા ખાતામાં આરીટીઆઈ કરીને પોતાના પતિની આવકની સાચી જાણકારી મેળવી શકશે. આ માટે મહિલાઓએ કેન્દ્રિય અથવા રાજય માહિતી આયોગના અધિકારી એટલે કે RTI અંતર્ગત એક અરજી કરવાની રહેશે. જે બાદ સંબંધિત વિભાગે અરજી મળ્યાના ૧૫ દિવસના સમયગાળામાં જ પગાર સાથે સંકળાયેલી તમામ માહિતી અરજકર્તા પત્નીને આપવી પડશે.

કેન્દ્રિય માહિતી આયોગે પોતાના આદેશમાં જણાવ્યું હતું કે, હવે કોઈપણ મહિલા પોતાના પતિનો પગાર કે આવકનો સ્ત્રોત સરળતાથી જાણી શકે છે. આ માટે તેણે RTIનો ઉપયોગ કરવાનો રહેશે. મહિલાએ અરજી કર્યાના ૧૫ દિવસમાં સંબંધિત વિભાગે તમામ સાચી જાણારી આપવાની રહેશે. હાલમાં જ રાજસ્થાનમાંથી આ પ્રકારનો એક કેસ સામે આવ્યો હતો, જેને ઉલ્લેખ કરતા કેન્દ્રિય માહિતી આયોગે આવો આદેશ જાહેર કર્યો હતો.

રાજસ્થાનના આ કેસની વિગતો મુજબ, જોધપુરમાં રહેતી રહમત બાનો નામની મહિલાએ અરજી કરીને પોતાના પતિની આવકના સ્ત્રોતની જાણકારી માગી હતી. મહિલાની અરજીના જવાબમાં IT વિભાગે કહ્યું હતું કે, ત્રીજા પક્ષની માગ ગેરવ્યાજબી છે. ત્યારબાદ સમગ્ર મામલે કેન્દ્રિય માહિતી આયોગમાં પહોંચ્યા. કમિશન સમક્ષ સુનાવણી બાદ આદેશ અપાયો કે અરજકર્તા દ્વારા દાખલ કરવામાં આવલી આરટીઆઈ પર ૧૫ દિવસની અંદર સાચી માહિતી ફરજિયાત રીતે આપવાની રહેશે.

કેન્દ્રિય માહિતી આયોગ દ્વારા પોતાના ચૂકાદામાં એ વાતની પણ સ્પષ્ટતા કરવામાં આવી કે મહિલાઓ પોતાના પતિનો કુલ પગાર, ગ્રોસ સેલેરી અને કરપાત્ર આવકની બાબતમાં જાણકારી મેળવવાનો પૂરેપૂરો અધિકાર ધરાવે છે.

(10:19 am IST)
  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST

  • કાશ્મીરમાં સંખ્યાબંધ સ્થળોએ ઈડીના દરોડા : જમ્મુ અને કાશ્મીર બેંકમાં શંકાસ્પદ વ્યવહારોને સાંકળતા મની લોન્ડરિંગ અંગેની તપાસના સંદર્ભે એન્ફોર્સમેન્ટ ડાયરેક્તટોરેટે આજે કાશ્મીરમાં અનેક જગ્યાએ દરોડા પાડયા છે. access_time 6:32 pm IST