Gujarati News

Gujarati News

News of Saturday, 21st November 2020

રિઝર્વ બેન્ક ઓફ ઇન્ડિયા દ્વારા આરટીજીએસના નિયમમાં ફેરફારઃ હવે ર૪ કલાક રૂપિયા ટ્રાન્સફર કરી શકાશે

નવી દિલ્હીઃ આ વર્ષે ઘણા ફેરફાર થઈ રહ્યાં છે. બેન્કિંગ સેક્ટર પણ તેમાંથી બાકાત નથી. પરંતુ આ ફેરફાર સકારાત્મક છે, જેમાં રિઝર્વ બેન્ક ઓફ ઈન્ડિયાએ રિયલ ટાઇમ ગ્રોસ સેટલમેન્ટ (RTGS)ને  24x7x365 ઉપલબ્ધ કરાવવાનો નિર્ણય કર્યો છે. હવે RTGSના માધ્યમથી ચોવીસ કલાક પૈસા ટ્રામ્સફર કરી શકાશે. 

વર્તમાનમાં RTGS સિસ્ટમ મહિનાના બીજા અને ચોથા શનિવારને છોડીને સપ્તાહના બધા કામકાજ દિવસોમાં સવારે 7 કલાકથી સાંજે 6 કલાક સુધી ઉપલબ્ધ હતું. પરંતુ હવે  24x7 આ સુવિધાનો લાભ ઉઠાવી શકાશે. પાછલા વર્ષે NEFTસેવા 24 કલાક મળવાની શરૂ થઈ હતી. પાછલા વર્ષે ડિસેમ્બરમાં નેશનલ ઇલેક્ટ્રોનિક ફંડ ટ્રાન્સફર (NEFT) સિસ્ટમને 24x7 મોડમાં લાગૂ કરવામાં આવી હતી. 

ભારતીય નાણાકીય બજારોના વૈશ્વિક એકીકરણના લક્ષ્યને સમર્થન આપવા માટે ચાલી રહેલા કામોને સમર્થન આપવા, ભારતના આંતરરાષ્ટ્રીય નાણાકીય કેન્દ્રોને વિકસિત કરવાના પ્રયાસો અને ઘરેલૂ કોર્પોરેટર અને સંસ્થાઓ માટે મોટા સ્તર પરચુકવણીની ફ્લેક્સિબિટી ઉપલબ્ધ કરાવવા માટે આ નિર્ણય લેવામાં આવ્યો છે. 

RTGS  એટલે કે રિયલ ટાઇમ ગ્રોસ સેટલમેન્ટ દ્વારા તત્કાલ ફંડ ટ્રાન્સફર કરી શકાય છે. આ મોટા ટ્રાન્ઝેક્શનમાં કામ આવે છે. RTGS દ્વારા 2 લાખ રૂપિયાથી ઓછા અમાઉન્ટને ટ્રાન્સફર કરી શકાય નહીં. તેને ઓનલાઇન અને બેન્ક બ્રાન્ચ બંન્ને માધ્યમોથી ઉપયોગ કરી શકાય છે. તેમાં કોઈ પ્રકારના ફંડ ટ્રાન્સફર ચાર્જ નથી. પરંતુ બ્રાન્ચમાં RTGSથી ફંડ ટ્રાન્સફર કરાવવા પર ચાર્જ આપવો પડશે. 

(5:34 pm IST)
  • ડ્રગ્સ કેસમાં લોકપ્રિય કોમેડિયન ભારતી સિંહની ધરપકડ : તેના પતિ હર્ષએ પણ ગાંજાનું સેવન કરતો હોવાની કબૂલાત કરી : 86.5 ગ્રામ ગાંજો ઝડપાયો : પૂછપરછ ચાલુ access_time 8:17 pm IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST

  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST