Gujarati News

Gujarati News

News of Friday, 22nd January 2021

અભિનેત્રી કંગના રનૌતને આવતીકાલ શુક્રવારે જુહુ પોલીસ સ્ટેશનમાં હાજર થવાનું સમન્સ : લેખક તથા ગીતકાર જાવેદ અખ્તરે કરેલી બદનક્ષીની ફરિયાદનો મામલો

મુંબઈ : લેખક તથા ગીતકાર જાવેદ અખ્તરે અભિનેત્રી કંગના રનોત સામે નોંધાવેલી બદનક્ષીની ફરિયાદ મામલે મુંબઈ પોલીસે કંગનાને આવતીકાલ શુક્રવારે જુહુ પોલીસ સ્ટેશનમાં હાજર થવા સમન્સ પાઠવ્યું છે.

જાવેદ અખ્તરે નવેમ્બર માસમાં તેના વિષે બદનામી થાય તેવી કોમેન્ટ કંગના રનૌતે એક ટીવી ઇન્ટરવ્યૂ દરમિયાન કરી હોવાની ફરિયાદ અંધેરી મેટ્રોપોલિટન મેજિસ્ટ્રેટ સમક્ષ નોંધાવી હતી. જેમાં તેઓને બોલીવુડની ટોળકીમાં શામેલ હોવાનું જણાવ્યું હતું. તથા પોતાની આબરૂને નુકશાન પહોચાડયાનો આરોપ લગાવ્યો હતો.જેના અનુસંધાને મેજિસ્ટ્રેટે 1 ફેબ્રુઆરી સુધીમાં રિપોર્ટ આપવાનો પોલીસને આદેશ આપ્યો હતો. તેવું ધ.ટી.દ્વારા જાણવા મળે છે.

(12:00 am IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST