Gujarati News

મુંબઈ : બોલીવુડ એક્ટ્રેસ કંગના રનૌત એક્ટિંગ સાથે પોતાના નિવેદનોને કારણે ખુબ ચર્ચામાં રહેતી હોય છે અને હાલમાં જ તેણે એવુ કહ્યું છે કે તમે જે સ્કુલના ટીચર છો હું ત્યાંની પ્રિન્સિપાલ છુ

કંગનાએ હાલમાં જ એક વીડિયો શૅર કર્યો જેમાં તેણે બોલીવૂડ ગેંગ પર નિશાનો સાધ્યો છે અને રિટ્વિટ કરીને પોતાની જાતને પ્રિન્સિપલ ગણાવી છે.

આ વાયરલ વીડિયોમાં કંગના બોલીવૂડમાં મહિલાઓને દર્શાવવાની રીત પર પોતાનો ઓપીનીયન કહી રહી છે. આ વીડિયો આમિર ખાનના ચૅટ શો સત્યમેવ જયતેનો છે જેમાં કંગનાની સાથે એક્ટ્રેસ દીપિકા પાદુકોણ અને પરિણીતી ચોપરા પણ નજર આવે છે.

કંગનાએ કહ્યું કે, સિનેમા સમાજનુ દર્પણ હોય છે, જે રીતે ફિલ્મોમાં મહિલાઓનું ચરિત્ર બતાવવામાં આવે છે તે ખુબ ખોટુ છે. મહિલાઓને ક્યારેત તંદૂરી ચિકન તો ક્યારેક તેમનુ મોઢુ દબાયેલુ બતાવવામાં આવે છે. વધારે ફિલ્મોમાં મેલ એક્ટર ફીમેલ એક્ટરને ટીઝ કરે છે જે ખરેખર શર્મનાક છે.

કંગનાના આ નીવેદન બાદ દીપિકાએ કહ્યું કે તેણે આજ સુધી આ વાતને નોટીસ નથી કરી પરંતુ આગળથી તે આ વાતનું ધ્યાન જરૂર રાખશે.

આ વીડિયોથી સાફ થાય છે કે એક વાર ફરીથી બોલીવૂડના તે લોકોને નિશાના પર લીધા છે જેમને તે હંમેશાથી પોતાના નિશાના પર રાખે છે.