Gujarati News

Gujarati News

News of Thursday, 22nd April 2021

ક્વેટાની હોટલના પાર્કિંગમાં વિસ્ફોટથી ૪ મોત, ૧૩ ઘાયલ

હોટલમાં ચીની રાજદૂત પ્રતિનિધિ મંડળ સાથે રોકાયા હતા : વરિષ્ઠ પોલીસ અધિકારીએ પ્રારંભિક તપાસમાં એક વાહનમાં આઈઈડી લગાવવામાં આવ્યા હોવાનો દાવો કર્યો

નવી દિલ્હી, તા. ૨૨ : બલુચિસ્તાનની રાજધાની ક્વેટાની એક હોટેલના પાર્કિંગમાં થયેલા વિસ્ફોટમાં ૪ લોકોના મોત થયા છે અને ૧૩ લોકોને ઈજાઓ પહોંચી છે. જાણવા મળ્યા મુજબ ક્વેટા ખાતે આવેલી એક લક્ઝરી હોટેલમાં ચીની રાજદૂત પોતાના પ્રતિનિધિ મંડળ સાથે રોકાયેલા હતા. તે સમયે હોટેલના પાર્કિંગમાં એક બાદ એક વિસ્ફોટો થવા લાગ્યા હતા.

પાકિસ્તાનના ગૃહ મંત્રી શેખ રાશિદ અહમદે ઓછામાં ઓછા ૪ લોકો માર્યા ગયા હોવાની અને અન્ય ૧૨ લોકોને ઈજાઓ પહોંચી હોવાની પૃષ્ટિ કરી હતી. જો કે, વિસ્ફોટ થયો તે સમયે ચીની રાજદૂત બહાર હતા. વરિષ્ઠ પોલીસ અધિકારીએ પ્રારંભિક તપાસમાં એક વાહનમાં આઈઈડી લગાવવામાં આવ્યા હોવાનો દાવો કર્યો હતો.  પોલીસે બે લોકો ગંભીર રીતે ઘાયલ હોવાની અને હોસ્પિટલમાં તેમની સારવાર ચાલુ હોવાની માહિતી આપી હતી. સાથે જ બુધવારે રાતના સમયે વિસ્ફોટ થયા બાદ હોટેલ પરિસરને બંધ કરી દેવામાં આવ્યું હોવાનું જણાવ્યું હતું. વિસ્ફોટની આ ઘટના બાદ આતંકવાદ વિરોધી વિભાગને ત્યાં તૈનાત કરી દેવામાં આવ્યો છે.

(8:04 pm IST)
  • દેશમાં ઓક્સિજનની અછત વચ્ચે યુ.પી. માં શ્રી રામ જન્મભૂમિ ટ્રસ્ટ, અયોધ્યાના દશરથ મેડિકલ કોલેજમાં 'સ્ટેટ-ઓફ-આર્ટ' ઓક્સિજન પ્લાન્ટ બનાવવા માટે આગળ આવ્યું હોવાનું જાણવા મળે છે. access_time 7:56 pm IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST