Gujarati News

Gujarati News

News of Sunday, 22nd May 2022

રશિયાએ રાષ્ટ્રપતિ બિડેન, માર્ક ઝકરબર્ગ,હોલીવુડ અભિનેતા મોર્ગન ફ્રીમેન સહિત 963 લોકોના પ્રવેશ પર પ્રતિબંધ મુક્યો

અમેરિકા દ્વારા મોસ્કો પર લગાવવામાં આવેલા પ્રતિબંધોના જવાબમાં રશિયાએ આ પગલું ભર્યું

નવી દિલ્હી :રશિયા-યુક્રેન યુદ્ધમાં વોશિંગ્ટન અને મોસ્કો વચ્ચે તણાવ વધી રહ્યો છે. બંને દેશો એકબીજાના અગ્રણી લોકોને તેમના દેશમાં પ્રવેશવા કે વેપાર કરવા પર પ્રતિબંધ લગાવી રહ્યા છે. શનિવારે, રશિયાએ અમેરિકાના લગભગ એક હજાર લોકો પર પ્રતિબંધો લાદ્યા.  રશિયાએ અમેરિકી રાષ્ટ્રપતિ જો બિડેન, ફેસબુક બોસ માર્ક ઝુકરબર્ગ, હોલીવુડ અભિનેતા મોર્ગન ફ્રીમેનને તેમના દેશમાં પ્રવેશવા પર પ્રતિબંધ મૂક્યો છે. શનિવારે રશિયાએ 963 અગ્રણી અમેરિકનોની યાદી જાહેર કરી છે જેમના પર પ્રતિબંધ મૂકવામાં આવ્યો છે. અમેરિકા દ્વારા મોસ્કો પર લગાવવામાં આવેલા પ્રતિબંધોના જવાબમાં રશિયાએ આ પગલું ભર્યું છે. અમેરિકાએ પ્રમુખ રશિયન લોકોના વોશિંગ્ટનમાં પ્રવેશ પર પણ પ્રતિબંધ મૂક્યો છે.

રશિયાના વિદેશ મંત્રાલયની વેબસાઈટ પર પ્રકાશિત કરાયેલી યાદીમાં અમેરિકી સરકારી અધિકારીઓ, ધારાશાસ્ત્રીઓ અને અન્ય અગ્રણી વ્યક્તિઓનો પણ સમાવેશ થાય છે જેમના પર પ્રતિબંધ મૂકવામાં આવ્યો છે. મોસ્કોએ સૂચિમાંના ઘણા લોકોને નિશાન બનાવીને પ્રતિબંધોની જાહેરાત કરી દીધી છે. ખાસ કરીને જો બિડેન, તેમના સેક્રેટરી ઓફ સ્ટેટ એન્ટોની બ્લિંકન, પેન્ટાગોન ચીફ લોયડ ઓસ્ટિન અને માર્ક ઝકરબર્ગ.

મોર્ગન ફ્રીમેન, જેમનું નામ અગાઉ રશિયન અધિકારીઓ દ્વારા લેવામાં આવ્યું ન હતું, મોસ્કો દ્વારા 2017 માં એક વીડિયો રેકોર્ડ કરવાનો આરોપ મૂકવામાં આવ્યો હતો જેમાં તેણે દાવો કર્યો હતો કે રશિયા યુએસ વિરુદ્ધ કાવતરું ઘડી રહ્યું છે.

રશિયન વિદેશ મંત્રાલયે કહ્યું કે પ્રતિબંધો જરૂરી છે અને તેનો હેતુ અમેરિકાને દબાણ કરવાનો છે જે વિશ્વમાં નિયો-વસાહતી ‘વર્લ્ડ ઓર્ડર’ લાદવાનો પ્રયાસ કરી રહ્યું છે. રશિયાએ કહ્યું કે મોસ્કો હંમેશા પ્રમાણિક વાતચીત માટે તૈયાર છે. અમેરિકાના લોકો અને અધિકારીઓને રુસોફોબિયા થઈ ગયો છે. યુક્રેનમાં આક્રમણથી, મોસ્કોએ રશિયાના સેંકડો એંગ્લો-સેક્સન પર પ્રતિબંધ મૂક્યો છે. શનિવારે, તેણે કહ્યું કે તેણે કેનેડિયન વડા પ્રધાનની પત્ની સોફી ટ્રુડો સહિત 26 વધુ કેનેડિયનો પર પ્રતિબંધ મૂક્યો છે.

(10:32 pm IST)