Gujarati News

શિવસેનામાં બળવાનો ડંકો વગાડી એકનાથ શિંદે પ્રથમ  ગુજરાત અને હવે આસામમાં લગભગ બે તૃતીયાંશ ધારાસભ્યો સાથે રહ્યા છે.  ત્યારે આ સમગ્ર ઘટનાના અસલી આર્કિટેક્ટ મનાતા ભાજપ પોતાને જ સ્પષ્ટ કરવાનો પ્રયાસ કરી રહી છે.  એક તરફ ભાજપ ખુદ આ ઘટનાક્રમને શિવસેનાનો આંતરિક મામલો જણાવી રહી છે તો બીજી તરફ બળવાખોર ધારાસભ્યોના રહેવા અને સુરક્ષાની વ્યવસ્થા ભાજપ શાસિત ગુજરાત અને આસામમાં યુદ્ધના ધોરણે કરવામાં આવી છે.  ધારાસભ્યોની સુરક્ષા પણ એવી છે કે બહારનું પંખી પણ ત્યાં ફરકી શકતું નથી. શિંદેએ દાવો કર્યો છે કે શિવસેના પાર્ટીના ૫૫માંથી ૪૦ ધારાસભ્યો તેમની સાથે છે.  તેમણે સાત અપક્ષ ધારાસભ્યોના સમર્થનનો પણ દાવો કર્યો છે.  મંગળવારે ઉદ્ધવ ઠાકરે સાથે ફોન પર વાતચીત દરમિયાન, શિંદેએ પાર્ટીમાં પાછા ફરવા માટે ઘણી શરતો મૂકી.  તેમને હજુ સુધી જવાબ મળ્યો નથી.  ત્યાં સુધી ભાજપ પડદા પાછળથી સમગ્ર વિકાસ પર ચાંપતી નજર રાખી રહ્યું છે.