Gujarati News

Gujarati News

News of Saturday, 23rd January 2021

એક દૂજે કે લીયે એક ઘરમાં એક સાથે બે અર્થી ઉઠી

હાર્ટ એટેકથી પતિનું થયું મોતઃ આઘાત સહન ન થતાં પત્નિએ પણ છોડયો જીવ

લખનૌ, તા.૨૩: લગ્ન એ સાત જન્મોનું બંધન છે અને સાથે જીવવા અને મરવાના સોગંધ ખાવામાં આવે છે. સાથે તો બધા લોકો જીવે છે પરંતુ જો કોઈ બીજા સાથીના દુઃખમાં આઘાત પામે અને મોત થાય તો તે ખૂબ જ હૃદયસ્પર્શી બની જાય છે. આવો જ કિસ્સો યુપીના બાગપતનાં ફરખપુર ગામથી સામે આવ્યો છે, જયાં પતિ-પત્નીએ સાથે મળીને દુનિયાને અલવિદા કહી દીધી છે.

જયવીર નામના ૫૨ વર્ષીય વ્યકિતનું ગામમાં હાર્ટ એટેકથી મૃત્યુ થયું હતું. પરિવારના મોભીનું અચાનક અવસાન થતા ઘરનું વાતાવરણ ખુબજ ગમગીન બની ગયું. જયવીરના મૃત્યુને કારણે તેમની ૫૦ વર્ષીય પત્ની નરેશને ખુબજ આદ્યાત લાગ્યો હતો. પતિના મોતનો આદ્યાત એટલો લાગ્યો કે પત્નીએ પણ થોડી જ વારમાં જીવ છોડી દીધો.

એક મકાનમાં એક સાથે બે લોકોના મોતથી અંધાધૂંધી સર્જાઇ હતી. જેણે પણ આ ઘટનાની વાત સાંભળી તેઓ હતપ્રત રહી ગયા. પરિવારે એક સાથે બંનેના અંતિમ સંસ્કાર કર્યા હતા. આ દ્યટનાથી સમગ્ર ગામમાં શોકનો માહોલ થઈ ગયો છે.

ગ્રામજનોનું કહેવું છે કે જયવીર અને તેમની પત્ની વચ્ચે ખુબ જ પ્રેમ હતો. તેઓ ગામના લોકો સાથે પણ હળી મળીને રહેતા હતા. પતિ-પત્નીના મોતના સમાચાર આખા ગામમાં ચર્ચાઈ રહ્યા છે. ઘણા લોકોને તો આ ઘટના પર વિશ્વાસ થતો નથી.

(10:14 am IST)
  • મે મહિનામાં યોજાશે કોગ્રેસ અધ્યક્ષની ચૂંટણી : સીડબલ્યુસીની બેઠકમાં લેવાયો નિર્ણય access_time 12:14 pm IST

  • વિજય માલ્યા બન્યો મરણીયો : બ્રિટનમાં જ રહેવા પૈતરો : ગૃહમંત્રી પ્રીતિ પટેલ સમક્ષ અરજી કરી : હાલ તે જામીન ઉપર છુટેલો છે access_time 3:16 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST