Gujarati News

Gujarati News

News of Saturday, 23rd January 2021

નેધરલેન્ડ્સમાં નાઇટ કર્ફયુમાં ફરવા મળે એ માટે લોકો હોમ ડિલિવરી બોયના યુનિફોર્મ પહેરીને નીકળી પડે છે

લંડન તા. ૨૩ : નેધરલેન્ડ્સમાં બીજા વિશ્વયુદ્ઘ પછી પહેલી વખત રાષ્ટ્રવ્યાપી કરફયુ રોગચાળાને કારણે લાગુ કરવામાં આવ્યો છે. હાલમાં ત્યાં નાઇટ-કરફયુનો અમલ શરૂ કરવામાં આવ્યો છે. સ્થાનિક સમય પ્રમાણે રાતે ૯ વાગ્યાથી પરોઢિયે સાડાચાર વાગ્યા સુધી નાઇટ-કરફયુ લાગુ કરવામાં આવશે. અલબત્ત્। એમાં ખાદ્ય ચીજો તથા અન્ય માલસામાનની હોમ ડિલિવરી કરનારાઓ સહિત આવશ્યક ચીજો અને સેવાઓને હરવા-ફરવા પર પ્રતિબંધમાંથી બાકાત રાખ્યા છે. જોકે જનતાએ પ્રતિબંધમાં અપવાદના મુદ્દાના લાભ લેવાના રસ્તા વિચારી રાખ્યા છે.

નાઇટ-કરફયુમાં પાળેલાં પ્રાણીઓને બહાર ફરવા લઈ જવાની છૂટ હોવાથી ડોગ સર્વિસિસ પાસેથી કૂતરાં ભાડે રાખવા અનેક શ્વાનો સંબંધી સેવાઓ લેવાના કિસ્સા વધી ગયા છે. એ ઉપરાંત હોમ ડિલિવરી બોયના યુનિફોર્મ્સની ડિમાન્ડ વધી છે. ડોગ સર્વિસિસ માટે નોટ ફોર પ્રોફિટ વેબસાઇટ ચલાવતા જોસ વાનનું કહેવું છે કે સામાન્ય રીતે અમને સર્વિસિસ માટે દર અઠવાડિયે લગભગ ૧૦ રિકવેસ્ટ કે ઓફર્સ મળે છે, પરંતુ ગયા મંગળવારે નાઇટ-કરફયુની જાહેરાત કરાયા બાદ શ્વાન ભાડે લેવા માટે છેલ્લા બે-ત્રણ દિવસમાં ૩૦૦થી વધારે રિકવેસ્ટ કે ઓફર્સ મળી છે.

(10:14 am IST)
  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST