Gujarati News

Gujarati News

News of Saturday, 23rd January 2021

છેલ્લા ૨૪ કલાકમાં કોરોનાથી ૧૫૨ લોકોએ જીવ ગુમાવ્યાઃ કુલમૃત્યાંક ૧,૫૩,૧૮૪ થયો છેઃ ૧૪૨૫૬ નવા કેસ

દેશમાં ૨૪ કલાકમાં ૧૫ રાજય-UTમાં એક પણ મોત નહીં: ફકત બે રાજયમાં ૧૦થી વધુ મોત

નવી દિલ્હી, તા.૨૩: છેલ્લા ૨૪ કલાકમાં દેશમાં કોરોના વાયરસના નવા ૧૪,૨૫૬ કેસ નોંધાયા છે, તેની સામે ૧૭,૧૩૦ લોકો સાજા થયા છે. દેશમાં હાલ કોરોના વાયરસના કુલ ૧૮,૮૫,૬૬૨ સક્રિય કેસ નોંધાયેલા છે. આ સાથે દેશમાં કોરોનાના કુલ કેસની સંખ્યા ૧,૦૬,૩૯,૬૩૪ થઈ છે, તેની સામે દેશમાં અત્યારસુધી કુલ ૧,૦૩,૦૦,૮૩૮ લોકો સાજા થયા છે. છેલ્લા ૨૪ કલાકમાં દેશમાં કોરોનાથી ૧૫૨ લોકોએ જીવ ગુમાવ્યો છે. આ સાથે દેશમાં કુલમૃત્યાંક ૧,૫૩,૧૮૪ થયો છે. દેશમાં હાલ મોતનો દર ૧.૪ ટકા અને સાજા થવાનો દર ૯૬.૮ ટકા છે.

. દેશમાં છેલ્લા ૨૪ કલાકમાં સક્રિય કેસમાં ૩ હજારનો ઘટાડો નોંધાયો.

. ફકત કેરળ :(+૬૨૬) અને લક્ષદ્વીપ (+૨)માં કોરોના કેસોમાં વધારો નોંધાયો.

. કેરળમાં ૬.૮ હજાર, મહારાષ્ટ્રમાં ૨.૮ હજાર અને તામિલનાડુમાં ૫૭૪ નવા કેસ નોંધાયા.

. મહારાષ્ટ્રમાં કોરોના વાયરસથી ૫૦ના મોત, કેરળમાં ૧૯ લોકોનાં મોત.

. ફકત બે જ રાજયમાં ૧૦થી વધારે મોત નોંધાયા.

.૧૫ રાજય/કેન્દ્ર શાસિત પ્રદેશમાં એક પણ મોત નહીં.

. લક્ષદ્વીપમાં કોરોના વાયરસના કુલ કેસ ૫૦ થયા.

રાજયમાં છેલ્લા ૨૪ કલાકમાં કોરોના વાયરસના નવા ૪૫૧ કેસ નોંધાયા છે. જેની સામે ૭૦૦ દર્દીઓ સાજા થયા છે. છેલ્લા ૨૪ કલાકમાં રાજયમાં કોવિડ-૧૯ ના કારણે ૨ દર્દીનાં મોત થયા છે. આ સાથે રાજયમાં કુલ મૃત્યુઆંક ૪,૩૭૪ થયો છે. રાજયમાં સાજા થવાનો દર ૯૬.૨૮ ટકા છે. શુક્રવારે રાજયમાં  ૧૧,૩૫૨ વ્યકિતઓને કોરોનાની રસી આપવામાં આવી છે. અત્યાર સુધીમાં કુલ ૪૭,૨૦૩ વ્યકિતઓનું રસીકરણ થયું છે.

(11:36 am IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • હવે ઇંગ્લેન્ડમાં આશરો માગશે ભાગેડુ વિજય માલ્યા : ભારતમાંથી નાસી છુટેલ ઉદ્યોગપતિ, કિંગફિશરના વિજય માલ્યા ટૂંક સમયમાં ઇંગ્લેન્ડમાં શરણું માગવા અરજી કરશે તેવું જાણવા મળે છે access_time 12:54 pm IST