Gujarati News

નવી દિલ્‍હી તા. ૨૩ : કોંગ્રેસ તેમનાﾠપરંપરાગત મતના સહારે લોકસભા ચૂંટણી ૨૦૨૪માં વાપસી કરવા માંગે છે. દલિત વર્ગના મલ્લિકાર્જુન ખડગેના રાષ્ટ્રીય અધ્‍યક્ષ બન્‍યા બાદ પક્ષે હવે દલિત અને આદિવાસીઓના માટે અનામત ૨૦ લોકસભા સીટોﾠપર ફોક્‍સ કર્યું છે. તેમાં રાજસ્‍થાનનીﾠ૭, મધ્‍યપ્રદેશનીﾠ૧૦ અને છત્તીસગઢની ૪ સીટો સામેલ છે. કોંગ્રેસ ત્‍યાં લીડરશીપ ડેવલોપમેન્‍ટ મિશન શરૂ કરવા જઈ રહી છે. તેના માટે નેતાઓને જવાબદારી આપવામાં આવી છે. જો કે આદિવાસી, દલિત, પછાત અને અલ્‍પસંખ્‍યક વર્ગના મતદાતા પરંપરાગત રૂપથી કોંગ્રેસથી દૂર થયા છે.ﾠ

તેના કારણે અનામત સીટો પર પક્ષને હારનો સામનો કરવો પડયો. પક્ષ હવે નવી રણનીતિનીﾠસાથે આ સીટોﾠપર વાપસીની પ્રયત્‍નોમાં લાગી છે. ખડગેએ બીજેપી અને આરએસએસના મનુસ્‍મૃતિની પૂજાનોﾠમામલો ઉઠાવીને આવનારા દિવસોનીﾠરાજકીય તરફ ઇશારો કરી દીધો છે. તેના થોડા સમય બાદ ખડગેએ ૫૦ અનામત સીટો પર લીડર તૈયાર કરવાનો કાર્યક્રમ શરૂ કરવાની મંજૂરી આપી દીધી છે.

રાજસ્‍થાનમાં અનુસૂચિત જતીﾠમાટે ચાર અને અનુસૂચિત જનજાતિ માટે ત્રણ સીટ અનામત છે. પરિસીમન બાદ ૨૦૦૯માં બિકાનેર સીટ એસસીﾠઅને દૌસા એસટી માટે અનામત રખાઈ. ત્‍યારથી કોંગ્રેસેﾠઆ બન્ને સીટો પર જીત મેળવી નથી.

મધ્‍યપ્રદેશમાં બીજેપીના ગઢ પર નજર ટકેલી છે. એસસી માટે અનામત ભિંડ, ટીકમગઢ, અને એસટી માટે અનામત ખરગોન તેમજ બેતુલ લોકસભા સીટ બીજેપીનોﾠમજબૂત ગઢ છે.

ત્‍યાં ભાજપે ૨૦૧૪થી પહેલા સતત અનેક ચૂંટણી જીતી છે. જયારેﾠદેવાસ, ઉજ્જૈન, અને એસસી માટે અનામત દેવાસ, ઉજ્જૈન, અને એસટીની શહડોલ, માંડલા તેમજ રતલામ સીટ પર ૨૦૧૪ તથા ૨૦૧૯માં સતત જીત નોંધાય છે.ﾠ

છત્તીસગઢમાં કોંગ્રેસેﾠકદાવર નેતા ઉતાર્યા છે. એસટી માટે અનામત સરગુજ, રાયગઢ, કાંકેર અને એસટી માટે અનામત જાંજગીર-ચાંપાﾠલોકસભા ક્ષેત્ર બીજેપીનો ગઢ બની ચુક્‍યા છે. કોંગ્રેસનેﾠમોદી લહેર પહેલા પણ હારનો સામનો કરવો પડ્‍યો છે.બસ્‍તર એકલી એવી અનામત સીટ છે ત્‍યાં જેના પર કોંગ્રેસેﾠ૨૦૧૯માંﾠજીત મેળવી હતી.