Gujarati News

કોલકાતા, તા.૨૩: ગ્રામીણ (PMAY-G) માટે નિર્ધારિત માપદંડો અનુસાર, ફક્‍ત તે જ લોકો પાત્ર છે જેમની પાસે પોતાનું ઘર નથી અને આર્થિક રીતે ગરીબ છે. પરંતુ ધ ઈન્‍ડિયન એક્‍સપ્રેસની તપાસ અનુસાર પશ્‍ચિમ બંગાળમાં સ્‍થિતિ અલગ છે. પશ્‍ચિમ બંગાળમાં પ્રધાન મંત્રી આવાસ યોજના-ગ્રામીણના લાભાર્થીઓ તરીકે સ્‍થાનિક વહીવટીતંત્ર દ્વારા તૈયાર કરવામાં આવેલી યાદીમાં તળણમૂલ કોંગ્રેસના કેટલાક નેતાઓનો પણ સમાવેશ કરવામાં આવ્‍યો છે.

જો કે આ માટે હજુ સુધી ફંડ બહાર પાડવામાં આવ્‍યું નથી. પરંતુ જો સ્‍થાનિક કક્ષાએ વિરોધ ન થયો હોત તો અત્‍યાર સુધીમાં ફંડ બહાર પડ્‍યું હોત અને જેમના નામ યાદીમાં છે તેમને મળી ગયા હોત.

પૂર્વા બર્ધમાનના CPIM જિલ્લા સચિવાલયના સભ્‍ય અપૂર્બા ચેટર્જીએ જણાવ્‍યું હતું કે, ‘મુખ્‍ય મંજૂરીઓ જિલ્લા સ્‍તરે કરવામાં આવે છે અને તેથી ઘરના માલિકોએ PMAY-G હેઠળના વિસ્‍તરણ માટે ભંડોળનો ઉપયોગ કરવો પડે છે. સ્‍થાનિક કર્મચારીઓની મિલીભગતમાં તે સરળ છે.' અત્‍યારે આ મુદ્દો ભાજપ અને ટીએમસી વચ્‍ચે વિવાદનું હાડકું બની ગયો છે. ભાજપ TMC પર ભ્રષ્ટાચારનો આરોપ લગાવી રહી છે.

ગયા વર્ષે આઠ મહિનાથી વધુ સમય સુધી રાજ્‍યમાં યોજના અટકયા પછી કેન્‍દ્રએ નવેમ્‍બરમાં ૧૧,૩૬,૪૮૮ PMAY-G ઘરો માટે ૮,૨૦૦ કરોડ રૂપિયાની ફાળવણી કરી હતી. આ યોજનાએ રાજકીય તોફાન પણ શરૂ કર્યું છે, ટીએમસીએ કહ્યું કે તેને કેન્‍દ્ર દ્વારા અન્‍યાયી રીતે નિશાન બનાવવામાં આવી રહ્યું છે. ભાજપના નેતા અને કેન્‍દ્રીય મંત્રી નિશિત પ્રામાણિકના પિતા પણ કૂચબિહાર જિલ્લામાં યોજનાના સંભવિત લાભાર્થી તરીકે ઓળખાયા છે. જવાબમાં, પ્રામાણિકે દાવો કર્યો હતો કે રાજકીય ‘ષડયંત્ર'ના ભાગરૂપે નામ ઉમેરવામાં આવ્‍યું હતું.

ઈન્‍ડિયન એક્‍સપ્રેસને લાભાર્થીઓની યાદીની તપાસ કર્યા પછી, સ્‍થળની મુલાકાત લીધા પછી અને અરજદારો અને સ્‍થાનિક અધિકારીઓની મુલાકાત લીધા પછી જે મળ્‍યું, તે પ્રક્રિયાના પ્રથમ તબક્કામાં બ્‍લોક સ્‍તરની ક્ષતિઓ હતી.

ઈન્‍ડિયન એક્‍સપ્રેસે પૂર્વ બર્ધમાન, ઉત્તર ૨૪ પરગણા અને દક્ષિણ ૨૪ પરગણાની મુલાકાત લીધી હતી. આ ત્રણ જિલ્લા આ યોજનાને લઈને સ્‍થાનિક રહેવાસીઓના વિરોધના સાક્ષી રહ્યા છે. ઈન્‍ડિયન એક્‍સપ્રેસને જાણવા મળ્‍યું કે ટીએમસી શાસિત પંચાયતના નાયબ વડાથી લઈને પાર્ટીના કોર કમિટીના સભ્‍ય અને સ્‍થાનિક તળણમૂલ કાર્યકર કે જેઓ પંચાયતના કર્મચારી પણ છે તેમની પાસે પાકાં મકાનો છે અને તેમ છતાં તેઓ સ્‍થાનિક સ્‍તરે PMAY માટે લાયક જણાયા છે.

જ્‍યારે તેનો સંપર્ક કરવામાં આવ્‍યો, ત્‍યારે તેમાંથી એકે પ્રક્રિયાને ‘ભૂલ' ગણાવી, બીજાએ કહ્યું કે તે તેના સમાવેશ વિશે જાણતો નથી અને ત્રીજાએ કહ્યું કે તેણે તેનું નામ દૂર કરવા માટે બ્‍લોક ડેવલપમેન્‍ટ ઓફિસર (BDO)નો સંપર્ક કર્યો. BDOs એ પંચાયત સ્‍તરે પ્રારંભિક સર્વેક્ષણ અને પ્રક્રિયા પર નિયંત્રણના અભાવને દોષી ઠેરવ્‍યું હતું, અને દાવો કર્યો હતો કે તેઓ ઘણા નામો કાઢી નાખીને સૂચિને ‘સાફ' કરી રહ્યા છે.

તળણમૂલ શાસિત ઉપપ્રમુખ જહાંગીર સેખ ખંડઘોષ બ્‍લોકની શાખરી ગ્રામ પંચાયત હેઠળના કેશબપુર ગામમાં સીસીટીવી કેમેરાવાળા ત્રણ માળના મકાન અને બાજુમાં બાંધકામ હેઠળના મકાનના માલિક છે. બ્‍લોક સ્‍તરે તૈયાર કરાયેલ સંભવિત PMAY-G લાભાર્થીઓની યાદીમાં તેમની પત્‍ની સિમા, તેમના ભાઈઓ આલમગીર અને આઝમગીર અને તેમના પિતા શેખ મહાસેનના નામ પણ છે, જેઓ ગયા વર્ષે મળત્‍યુ પામ્‍યા હતા.