Gujarati News

Gujarati News

News of Thursday, 23rd June 2022

રાજસ્થાનની કોંગ્રેસ સરકારને તોડી પાડવા માટે ધારાસભ્યોને દસ દસ કરોડ રૂપિયા આપવામાં આવ્યા હતા : મુખ્યમંત્રી અશોક ગેહલોતના આરોપો પર માહિતી અધિકાર (RTI) હેઠળ બીજેપી આગેવાને દસ્તાવેજી પુરાવા માંગ્યા

રાજસ્થાન : સીએમ ગેહલોતના આરોપો અંગે આરટીઆઈ અરજી કરીને દસ્તાવેજી પુરાવા માંગવામાં આવ્યા છે. મુખ્યમંત્રીએ દિલ્હીમાં મીડિયાની સામે કહ્યું હતું કે રાજસ્થાનમાં સરકારને તોડી પાડવા માટે ધારાસભ્યોને દસ દસ કરોડ રૂપિયા આપવામાં આવ્યા હતા.

બીજેપી લો સેલના સ્ટેટ કન્વીનર પ્રવીણ ખંડેલવાલે મુખ્યમંત્રી કાર્યાલય પાસે માહિતી અધિકાર (RTI) હેઠળ દસ્તાવેજી પુરાવા માંગ્યા છે.

રાજ્યના કન્વીનર પ્રવીણ ખંડેલવાલે આવેદનપત્રમાં કહ્યું છે કે દિલ્હીમાં મીડિયા સાથેની વાતચીતમાં મુખ્યમંત્રી અશોક ગેહલોતે કહ્યું કે રાજસ્થાનના ધારાસભ્યોને દસ કરોડ રૂપિયા આપવામાં આવ્યા છે. બીજો પ્રશ્ન એ છે કે કયા ધારાસભ્યોને દસ કરોડ રૂપિયા આપવામાં આવ્યા, તે ધારાસભ્યોના નામ અને કેવી રીતે રકમ ચૂકવવામાં આવી, તેની યાદી ઉપલબ્ધ કરાવવી જોઈએ. જો કેટલાક ધારાસભ્યોને વધુ કે ઓછી રકમ આપવામાં આવી હોય તો ધારાસભ્યોના નામ અને રકમ ઉપલબ્ધ કરાવવી જોઈએ.

ખંડેલવાલે ત્રીજા સવાલમાં લખ્યું છે કે, ભ્રષ્ટાચાર વિરોધી બ્યુરોને આ રકમ મેળવનાર ધારાસભ્યો અને તે આપનાર વ્યક્તિઓ વિશે અને તેના પર જે પણ કાર્યવાહી કરવામાં આવી છે તેના વિશે માહિતી આપવી જોઈએ, કૃપા કરીને તેની નકલ આપો. આ સાથે છેલ્લા સવાલમાં માહિતી માંગવામાં આવી છે કે રાજસ્થાનના ધારાસભ્યોને દસ કરોડ રૂપિયાની વહેંચણીના કારણે મુખ્યમંત્રી ભ્રષ્ટાચારથી દુખી છે કે નહીં.તેવું એચ.ટી.એચ.દ્વારા જાણવા મળે છે.

(12:07 pm IST)