Gujarati News

Gujarati News

News of Friday, 23rd July 2021

પોલીસ પાસે આવ્યો અજીબોગરીબ કેસ

એક યુવતીના બે પતિ, બંને કહે છેઃ મને મારી પત્નિ અપાવો

પોલીસ અસંમજસમાં! એક યુવતીના બે લગ્ન થયા અને હવે બંને પતિ પત્નિને મેળવવા પોલીસને વિનંતી કરી રહ્યા છે : મહિલાએ પહેલા પ્રેમી સાથે લગ્ન કર્યા, પછી પરિવારે અન્ય યુવક સાથે પરણાવી. : પોતાના પ્રેમી સાથે રહેવા માંગે છે મહિલા, પોલીસ કરી રહી છે પ્રયાસ.

ઈન્દોર- મધ્યપ્રદેશના ઈન્દોરમાં એક યુવતીએ પહેલા પોતાના પ્રેમી સાથે લગ્ન કર્યા, ત્યારપછી બે-ત્રણ મહિના પછી પરિવારની પસંદના યુવક સાથે ફરીથી લગ્ન કરવામાં આવ્યા. હવે યુવતીના બન્ને પતિ પોતાની પત્નીને મેળવવા માટે પોલીસને વિનંતી કરી રહ્યા છે. યુવતીનું કહેવું છે કે તેના બીજા લગ્ન બળજબરીપૂર્વક કરવામાં આવ્યા છે અને તે પહેલા પતિ સાથે રહેવા માંગે છે. બન્ને પતિઓના પરિવાર પોલીસ સ્ટેશન પહોંચ્યા છે. પોલીસ કાઉન્સિલિંગ કરીને આ કેસને સોલ્વ કરવાનો પ્રયાસ કરી રહી છે.

બે લગ્નોનો આ રસપ્રદ કિસ્સો ઈન્દોરના પલાસિયા પોલીસ સ્ટેશન વિસ્તારનો છે. યુવતીએ પહેલા પોતાના પ્રેમી સાથે લગ્ન કર્યા. ત્યારપછી પરિવારના પસંદના યુવક સાથે બીજા લગ્ન કર્યા. યુવતી સાથે લગ્ન કરનારા બન્ને યુવક હવે પોલીસ પાસે પહોંચ્યા છે. બિચૌલી વિસ્તારમાં રહેનારી યુવતીનું કહેવુ છે કે, તેણે પોતાની મરજીથી પ્રેમી સાથે લગ્ન કર્યા હતા. માતા-પિતાએ અન્ય યુવક સાથે પરણાવી દીધી. ત્યારપછી તે ભાગીને પોલીસ સ્ટેશન પહોંચી અને ફોન કરીને પોતાના પહેલા પતિને બોલાવ્યો. તેનું કહેવું છે કે તે પહેલા પતિ સાથે ખુશ હતી અને હવે તેની જ સાથે રહેવા માંગે છે.

યુવતીના બીજા પતિને જયારે આ બાબતની જાણ થઈ તો તે પણ પોલીસ સ્ટેશન પહોંચ્યો અને તેમના પરિવારના લોકો પણ પોલીસ સ્ટેશન પહોંચ્યા. બન્ને પતિએ જીદ પકડી કે તે પત્નીને લઈ જવા માંગે છે. પોલીસ હવે વાતચીત કરીને આ મામલાનું નિરાકરણ લાવવાનો પ્રયાસ કરી રહી છે.

(4:18 pm IST)