Gujarati News

Gujarati News

News of Monday, 23rd November 2020

દિલ્હીમાં કોરોના બેફામઃ ૬ દિ'માં ૬૭૮ના મોત

અત્યાર સુધીમાં ૮૩૯૧ લોકોને કોરોના ભરખી ગયોઃ સ્થિતિ ગંભીર

નવી દિલ્હી, તા. ૨૩ :. દેશના પાટનગર દિલ્હીમાં કોરોનાએ તાંડવ મચાવ્યુ છે. રોજ લગભગ સેંકડો દર્દીઓના મોત થઈ રહ્યા છે. કોરોનાને કાબુમાં લેવા કેન્દ્ર અને રાજ્ય સરકારે પુરી તાકાત કામે લગાડી છે પરંતુ રોજ હજારો નવા કેસ સામે આવી રહ્યા છે. લોકડાઉન હટતા જ કોરોના ચાલ્યો ગયો છે તેવુ લોકોએ માન્યુ અને ફરીથી એક વખત કેસ વધવા લાગ્યા છે.

દિલ્હીમાં રોજ ૧૦૦થી વધુ દર્દીઓના મોત થઈ રહ્યા છે. કોરોનાનો કહેર એવો છે કે હોસ્પીટલોમાં બેડની અછત ઉભી થઈ છે. અનેક મોત સામે ઝઝુમતા દર્દીઓને બેડ મળતા નથી. અનેકના ઈલાજ વગર મોત થઈ રહ્યા છે. અત્યાર સુધીમાં ૮૩૯૧ લોકોના મોત થયા છે.

૨૨મીએ ૧૨૧, ૨૧મીએ ૧૧૧, ૨૦મીએ ૧૧૮, ૧૯મીએ ૯૮, ૧૮મીએ ૧૩૧, ૧૭મીએ ૯૯ના મોત થયા છે.

સરકાર જાગી ત્યાં સુધીમા મોડુ થઈ ગયુ છે. અફડાતફડીમાં રાજ્યએ કેન્દ્રની મદદ માગી. દિલ્હી સરકારે તાબડતોબ ફરમાન પણ જારી કર્યા છે.

(10:12 am IST)
  • દિલ્હીની બે બજારો બંધ કરી દેવાઈ : પશ્ચિમ દિલ્હીના બે બજારો જનતા માર્કેટ અને પંજાબી બસ્તી બાઝારને ૩૦મી સુધી બંધ કરી દીધા છે : અહિં નિયમોનું ઉલ્લંઘન અને ભારે ભીડ સર્જાતી હતી : કોરોનાએ અહિં રાડ બોલાવી દીધી છે access_time 11:32 am IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST

  • કાંદિવલીમાં 24 માં માળે આગ લાગી: મહારાષ્ટ્ર: મુંબઇના કાંદિવલી પૂર્વ વિસ્તારના ઠાકુર ગામમાં ચેલેન્જર્સ ટાવરના 24 મા માળના ફ્લેટમાં આગ લાગી: હજી સુધી કોઈ જાનહાનિ નોંધાઈ નથી. access_time 11:38 pm IST