Gujarati News

Gujarati News

News of Monday, 23rd November 2020

કાનપુરના કુલી બજારમાં ત્રણ માળની ઈમારત ધરાશાયી: અનેક લોકો દટાયા હોવાની શક્યતા

લોકોમાં ભાગદોડ મચી ગઈ :રાહત અને બચાવ કાર્ય ચાલુ

ઉત્તર પ્રદેશના કાનપુરમાં એક મોટી ઈમારત ધરાશાયી થઈ છે. શહેરના કુલી બાજાર વિસ્તારમાં આ ઈમારત ધરાશાયી થતાં લોકોમાં ભાગદોડ મચી ગઈ હતી. સ્થાનિક લોકોએ જેવી આ ઈમારત પડ્યાની જાણ થઈ કે, ઘટના સ્થળે દોડી આવ્યા હતા, અને બચાવ કાર્ય શરૂ કરી દીધુ હતું. હાલમાં આ દુર્ઘટનામાં કેટલાય લોકો દટાયા હોવાની વિગતો આવી રહી છે.

   અનવરગંજ પોલીસ સ્ટેશનના સર્કલ અધિકારી મોહમ્મક અકમલ ખાને આ ઈમારત ધરાશાયી થતાં કહ્યુ હતું કે, અનવરગંજ પોલીસ સ્ટેશની હદમાં આવતા કુલી બજારમાં ધરાશાયી થયેલી આ ઈમારત જર્જરીત હતી. આ ઉપરાંત તેમણે જણાવ્યુ હતું કે, ધરાશાયી થયેલી આ ઈમારતમાં કેટલાય લોકો દટાયા હોવાનો ડર છે. હાલ ત્યાં રાહત અને બચાવ કાર્ય ચાલુ છે, આ લખાઈ રહ્યુ છે, ત્યાં સુધીમાં કોઈ જાનહાનીના સમાચાર આવ્યા નથી. 

(11:16 pm IST)
  • પીરપંજાલ પર્વત માળામાં ભારે હીમ વર્ષા : મુગલ રોડ બંધ : જમ્મુ કાશ્મીરના પીરપંજાલની ઉંચી પર્વતમાળા ઉપર ભારે હિમવર્ષા થઈ છે : ફરી જમ્મુનો મુગલ રોડ બંધ કરી દેવાયો છે access_time 11:31 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST