Gujarati News

મુંબઈ :પૂર્વ ભારતીય કેપ્ટન વિરાટ કોહલી માટે છેલ્લા કેટલાક મહિના સારા રહ્યા નથી. એક તરફ તેના બેટમાંથી રન નથી નીકળી રહ્યા બીજી તરફ ત્રણેય ફોર્મેટની કેપ્ટન્સી પણ તેના હાથમાંથી જતી રહી છે.આ સમયે તેના પર પ્રદર્શન કરવાનું દબાણ છે. આ દરમિયાન પાકિસ્તાનના પૂર્વ ફાસ્ટ બોલર શોએબ અખ્તરે વિરાટ કોહલી પર આવું નિવેદન આપ્યું હતું, જેને સાંભળીને ચાહકો ચોંકી ગયા હતા. અખ્તરે વિરાટ કોહલી અને અનુષ્કા શર્માના લગ્નને લઈને સવાલો ઉઠાવ્યા છે.

વિરાટ કોહલીએ પ્રથમ IPLમાં પોતાની ટીમ રોયલ ચેલેન્જર્સ બેંગ્લોરની કેપ્ટનશીપ છોડી દીધી હતી. તે જ સમયે, તે પછી તેણે T20 ફોર્મેટની કેપ્ટનશીપ છોડવાની પણ જાહેરાત કરી હતી, ત્યારબાદ તેની પાસેથી ODIની કેપ્ટન્સી પણ છીનવી લેવામાં આવી હતી. તેણે દક્ષિણ આફ્રિકા સામેની ટેસ્ટ શ્રેણી બાદ આ ફોર્મેટની કેપ્ટન્સી પણ છોડી દીધી હતી. શોએબ અખ્તરે કહ્યું કે જો તે કોહલીની જગ્યાએ હોત તો ક્યારેય કેપ્ટન્સી ન કરી શક્યો હોત. આ સાથે તેણે કોહલીના લગ્ન કરવાના નિર્ણય પર પણ સવાલો ઉઠાવ્યા હતા.