Gujarati News

મુંબઇ, તા., ર૪: ભારત-પાકિસ્તાનની સીમા ઉપર છત્રપતી શિવાજી મહારાજની  બે ભવ્ય પ્રતિમા સ્થાપવામાં આવી છે.  મરાઠા રેજીમેન્ટ તરફથી ૧૪૮૦૦ ફુટની ઉંચાઇએ  પ્રતિમા સ્થાપવામાં આવી છે. દુનિયામાં આટલી ઉંચાઇએ મુર્તિ સ્થાપવાની આ પહેલી  ઘટના છે તેવું જાણવા મળ્યું છે. મચ્છલ બટાલીયનના કર્નલ પ્રણય પવારની સંકલ્પનાના આધારે પુનાના યુવા મુર્તિકાર આંજીકય લોહગાંવકરે આ મુર્તિઓ ઘડી છે. વરસાદ અને હિમવર્ષા સામે ટકી શકે તે માટે ખાસ ફાઇબરમાંથી મુર્તિઓ બનાવવામાં આવી છે. શહીદ જવાનોની સ્મૃતિમાં મરાઠા લાઇટ ઇન્ફન્ટ્રીના પ૬ રાષ્ટ્રીય રાયફલ જવાનોએ આ સ્મૃતી સ્થળની સ્થાપના કરી છે. શહીદ થયેલા ૩ર જવાનોની તકતી ઉંચી દિવાલ પર અંકિત કરવામાં આવી છે.  એક મુર્તિ નિયંત્રણ રેખા નજીક અને બીજી સ્મૃતિ સ્થળ પર સ્થાપવામાં આવી છે.