Gujarati News

Gujarati News

News of Thursday, 24th June 2021

ડ્રગ્સ કેસમાં ઇકબાલની એનસીબીએ ધરપકડ કરી

દાઉદનો ભાઈ ઠાણેની જેલમાં બંધ છે : કાશ્મીરથી બાઈક ઉપર મુંબઈ લવાતું ચરસ જબ્બે જેની સાથે અન્ડરવર્લ્ડના તાર જોડાયેલા હોવાનું જણાતા કાર્યવાહી

નવી દિલ્હી, તા. ૨૩ : અન્ડરવર્લ્ડ ડોન દાઉદ ઇબ્રાહિમના ભાઇ ઇકબાલ કાસકરની મુંબઇ નારકોટિક્સ કંટ્રોલ બ્યુરો એટલે કે એનસીબી દ્વારા બુધવારે ધરપકડ કરવામાં આવી છે. ડ્રગ્સ કેસમાં પ્રોડક્શન વોરંટ ઉપર ઇકબાલ કાસકરની ધરપકડ કરવામાં આવી છે.

હાલમાં જ એનસીબીએ ચરસના બે કંસાઇનમેન્ટ પકડ્યા હતા. જેને પંજાબના લોકો કાશ્મીરથી મુંબઇ બાઇક પર લઇને આવ્યા હતા. આ કેસમાં લગભગ ૨૫ કિલો ચરસ પકડવામાં આવ્યું હતું.

આ કેસમાં આગળની તપાસ દરમિયાન એનસીબીને તેમાં અંડરવર્લ્ડ સાથે તાર જોડાયેલા હોવાનું જાણવા મળ્યું હતું. જેના કારણે અંડરવર્લ્ડ ડોન દાઉદ ઇબ્રાહિમના ભાઇ ઇકબાલ કાસકરની કસ્ટડી એનસીબીએ લીધી છે. ઇકબાલને એનસીબીની ઓફિસે લઇ જવામાં આવશે. કેસની તપાસ દરમિયાન એનસીબીને ટેરર ફંડિંગ અને ડ્રગ્સની સપ્લાઇ માટે અંડરવર્લ્ડ સાથે જોડાયેલા સબૂત મળ્યા હતા.

જેના આધાર પર એનસીબીએ મુંબઇમાં અનેક જગ્યાઓ પર રેઇડ પાડી હતી. ધરપકડ કરાયેલા આરોપીઓ સાથેની પૂછપરછ અને ચરસની સપ્લાઇના કનેક્શન દાઉદ ઇબ્રાહીમના ભઆઇ ઇકબાલ કાસકર સુધી પહોંચ્યા બાદ ઠાણે જેલમાં બંધ ઇકબાલ કાસકરની એનસીબી દ્વારા કસ્ટડી લેવામાં આવી છે.

(12:00 am IST)