Gujarati News

Gujarati News

News of Saturday, 24th July 2021

એક્ટ્રેસને ડ્રગ આપીને ન્યૂડ વીડિયો શૂટ થાય છેઃ શ્રૃતિ ગેરા

પોર્નોગ્રાફી કેસમાં નવા-નવા ખુલાસા થયા : કુન્દ્રાની કંપની મોડલ્સ અને એક્ટ્રેસીસને વે શોના કોન્ટ્રાક્ટ સાઈન કરાવતી જેથી બાદમાં તેઓને મજબૂર કરી શકાય

મુંબઈ, તા.૨૪ : રાજ કુન્દ્રાની ધરપકડ બાદ પોર્નોગ્રાફી કેસ અને દેશમાં પોર્ન ફિલ્મોનો ગંદા વ્યવસાયને લઈને અનેક ખુલાસા થયા છે. અનેક મોડલ અને એક્ટ્રેસે પોલીસથી લઈને સોશિયલ મીડિયા દ્વારા આ ડર્ટી પિક્ચરના કારોબારનું રહસ્ય ખોલ્યું છે. પરંતુ એક્ટ્રેસ શ્રૃતિ ગેરા અલગ જ ખુલાસો કર્યો છે. જેમાં બોલિવૂડની ઉંઘ પણ હરામ થઈ શકે છે. શ્રૃતિ ગેરાનું કહેવું છે કે, ઈન્ડસ્ટ્રીમાં નવી એક્ટ્રેસને ડ્રગ્સ આપીને પહેલાં ન્યૂડ વીડિયો શૂટ કરવામાં આવે છે અને પછી તેમને પોર્ન ફિલ્મોમાં કામ કરવા માટે મજબૂર કરવાં આવે છે. આ વાત પહેલાં પણ સામે આવી ચૂકી છે કે રાજ કુન્દ્રાની કંપની મોડલ્સ અને એક્ટ્રેસીસને વે શોના કોન્ટ્રાક્ટ સાઈન કરાવતી હતી. જેથી બાદમાં તેઓને મજબૂર કરી શકાય. કેટલીક એક્રટ્રેસીસે તો એવો આરોપ લગાવ્યો છે કે, રાજની કંપનીના લોકોએ ન્યૂડ ઓડિશન ક્લીપ પણ માંગી હતી.

એક વેબસાઈટના જણાવ્યા મુજબ, શ્રૃતિ ગેરા કહે છે કે, વર્ષ ૨૦૧૮માં તેને પણ રાજ કુન્દ્રાની કંપની તરફથી એક વેબ સિરીઝમાં કામ કરવાની ઓફર મળી હતી. કાસ્ટિંગ ડિરેક્ટરે મને એપ્રોચ કર્યો હતો. મને સારી રીતે યાદ નથી કે કયા કાસ્ટિંગ ડિરેક્ટરે આવું કર્યું હતું, પરંતુ અનેક લોકો મને આવું કહી ચૂક્યાં છે. એકે મને કહ્યું હતું કે, મને રાજ કુન્દ્રા સાથે મળાવશે. એકે કહ્યું કે રાજ પોતાનું પ્રોડક્શન હાઉસ શરૂ કરી રહ્યો છે અને વેબ શોની દુનિયામાં મોટું કામ કરવા જઈ રહ્યો છે.

શ્રૃતિ આગળ કહે છે કે, જો કે, એ સમયે મેં આ ઓફરને ના પાડી દીધી હતી. પરંતુ હું ભગવાનન આભારી છું કે હું બચી ગઈ. અમે બધા એવું માનતા હતા કે કોઈ મોટા અને સારા માણસ છે, પરંતુ હવે ખબર પડી કે તે પોર્ન ફિલ્મો બનાવતા હતા. શ્રૃતિ ગેરાનું કહેવું છે કે, પોર્ન ફિલ્મો માટે નવી એક્ટ્રેસીસ અને મોડલને દોષ આપવો યોગ્ય નથી. તમે કલ્પના કરો કે મારા જેવી કોઈ એક્ટ્રેસ જેણે સેંકડો ટીવી વિજ્ઞાપનોમાં મોટા મોટા બ્રાન્ડ્સ સાથે કામ કર્યું છે. આ દરમિયાન એક કાસ્ટિંગ ડિરેક્ટર મને આ કામ માટે એપ્રોચ કરી રહ્યો હતો. મને ખૂબ જ આઘાત લાગ્યો હતો. કોઈ વ્યક્તિ એવું કેવી રીતે વિચારી શકે છે હું કોઈ આવું કામ કરીશ.

વર્ષ ૨૦૦૯માં શ્રૃતે ગેરા ટોસઃ એ ક્લીપ ઓફ ડેસ્ટની ફિલ્મમાં નજરે પડી હતી. તેણે ૨૦૧૮માં પોતાની એક સ્ક્રીનવેર કંપનીની શરૂઆત કરી હતી. તે કહે છે કે, મેં અનુભવ્યું કે આ ઈન્ડસ્ટ્રીમાં ઘણું બધું થઈ રહ્યું છે. ન્યૂકમર એક્ટ્રેસીસને ડ્રગ્સ આપવામાં આવે છે અને તેમના ન્યૂડ વીડિયો શૂટ કરી લેવામાં આવે છે પછી બ્લેકમેલિંગ કરીને આવી ફિલ્મોમાં કામ કરવા મજબૂર કરવામાં આવે છે. આ બહુ જ કોમન વાત છે. શ્રૃતિ કહે છે કે, આ ઈન્ડસ્ટ્રીમાં હની ટેપ પણ કરવામાં આવે છે. જ્યારે મેં કેટલાંક પ્રોડ્યુસરને ઈનકાર કર્યો તો બાદમાં મને ખબર પડી કે મેકર્સની નિયત સારી નથી હોતી. આવા લોકો તમારા રૂમમાં કેમેરા લગાવી દે છે. તમારો આપત્તિજનક વીડિયો બનાવીને પછી બ્લેકમેલ કરે છે.

શ્રૃતિ ગેરાએ બોલીવૂડ ફિલ્મોની કાસ્ટિંગ પ્રક્રિયા પર પણ સવાલો ઉઠાવ્યા છે. તે કહે છે કે, ફિલ્મમાં લીડ એક્ટર્સનું ભાગ્યે જ ઓડિશન થાય છે. જ્યારે નવા કલાકારો માટે આવું નથી હોતું. એટલું જ નહીં મોટા બેનરની ફિલ્મો માટે પહેલાથી જ એક્ટર્સ ફાઈનલ હોય છે. પછી તેઓને માત્ર એવા એક્ટર્સની શોધ હોય છે કે જે ફિલરનું કામ કરી શકે. ધીરે ધીરે બદલાવ આવી રહ્યો છે, પરંતુ ફિલ્મોની કાસ્ટિંગની મીટિંગ, એના માટે સોશિયલાઈજીંગ, આ બધા ગ્રે એરિયા છે. ન્યૂ કમર એક્ટર્સના શોષણના ખતરાને વધારે છે, પછી તે છોકરો હોય કે છોકરી.

(9:18 pm IST)