Gujarati News

Gujarati News

News of Sunday, 24th October 2021

ગૂગલ મીટમાં ટૂંક સમયમાં આવશે નવું ફીચર :હોસ્ટ પાર્ટિસિપન્ટ્સના માઇક્રોફોન- કેમેરા કરી શકશે બંધ

આગામી મહિનાઓમાં એક્સ્ટ્રા ગૂગલ વર્કસ્પેસ એડિશન માટે લોન્ચ કરશે.

મુંબઈ ; ગૂગલ મીટ એક નવું ફિચર લાવી રહ્યું છે જે મીટિંગ હોસ્ટને પાર્ટિસિપન્ટ્સના માઇક્રોફોન અને કેમેરા બંધ કરવાની મંજૂરી આપશે. આ સુવિધા Google Workspace for Education Fundamentals અને Education Plus ડોમેન માટે રોલઆઉટ કરવામાં આવી છે. તે આગામી મહિનાઓમાં એક્સ્ટ્રા ગૂગલ વર્કસ્પેસ એડિશન માટે લોન્ચ કરશે.

ગૂગલે એક બ્લોગ પોસ્ટમાં જણાવ્યું કે, મીટિંગ હોસ્ટ ‘મ્યૂટ ઓલ’ ફીચરનો ઉપયોગ કરી શકે છે. એકવાર બધા લોકો મ્યૂટ થઈ ગયા પછી, મીટિંગ હોસ્ટ તેમને અનમ્યૂટ કરી શકતા નથી. જો કે, યૂઝર જો જરૂરી હોય તો તેમને અનમ્યૂટ કરી શકે છે. ‘મ્યૂટ ઓલ’ સુવિધા ફક્ત તે હોસ્ટ્સ માટે ઉપલબ્ધ હશે જે ડેસ્કટોપ બ્રાઉઝર સાથે જોડાયેલા છે. જોકે, આગામી મહિનાઓમાં તેને અન્ય પ્લેટફોર્મ પર પણ લોન્ચ કરવામાં આવશે.

માઇક્રોફોન અને કેમેરા લોક સુવિધા ડિફૉલ્ટ રૂપે બંધ કરવામાં આવશે, જે હોસ્ટ્સે તેનો ઉપયોગ કરવો હોય તો મીટિંગ દરમિયાન ચાલું કરવું આવશ્યક છે.

તાજેતરમાં ગૂગલ મીટે ટ્રાંસલેટ કેપ્શનમાં લાઇવ સ્પીચ રોલઆઉટ કરવાનું શરૂ કર્યું છે. લાઇવ કેપ્શન સુવિધા ખાસ કરીને વિકલાંગ વપરાશકર્તાઓ માટે ઉપયોગી છે અને જેઓ વર્ચ્યુઅલ મીટિંગ્સમાં શબ્દ દ્વારા શું કહેવામાં આવે છે તેનો ટ્રન્સલેટ કરવા માંગે છે. આ સુવિધા વૈશ્વિક સ્તરે વિતરિત ટીમો તેમજ વિદ્યાર્થીઓ સાથે વાતચીત કરતા શિક્ષકો સાથેની તમામ બેઠકો અને તાલીમ કાર્યક્રમોમાં ઉપયોગી થશે. ગૂગલ મીટની લાઇવ ટ્રાન્સલેટેડ કેપ્શન સુવિધા વિદેશી ગ્રાહકો, ભાગીદારો, વિદ્યાર્થીઓ અને કર્મચારીઓ સાથે વીડિયો કોન્ફરન્સિંગને વધુ કાર્યક્ષમ બનાવવામાં મદદ કરશે.

28 ઓક્ટોબરે તેની વાર્ષિક કનેક્ટ કોન્ફરન્સમાં ધ વર્જ દ્વારા અગાઉના અહેવાલ મુજબ, Facebook Inc. પોતાને એક નવા નામ સાથે રિબ્રાન્ડ કરવાનું આયોજન કરી રહ્યું છે. આ અહેવાલે હવે ઓનલાઈન અટકળોનો ધમધમાટ ઉભો કર્યો છે અને દરેક નવા નામનો અનુમાન લગાવવાનો પ્રયાસ કરી રહ્યા છે. જ્યારે ટ્વિટર પર લોકો "FB" અને "The Facebook" જેવા સરળ નામો સૂચવી રહ્યા છે, ત્યારે અહેવાલો સૂચવે છે કે કંપનીના નવા નામનો "Horizon" સાથે કંઈક સંબંધ હોઈ શકે છે. જે વર્ચ્યુઅલ રિયાલિટી પ્લેટફોર્મ છે જેને કંપની વિકસાવી રહી છે. મેટાવર્સ વિકસાવવાના ઝકરબર્ગના ઇરાદાનો આ એક સંકેત હશે.

(9:47 pm IST)