Gujarati News

Gujarati News

News of Tuesday, 24th November 2020

કોરોનાને ભગાડવા માટે સાધૂ મહારાજે કર્યો અન્નનો ત્યાગ:માથા પર ઉગાડી દીધા જ્વારા

યુપીના બાગપતમાં સાધુ મહારાજે આદ્યાત્મ અને સાધનાના બળે કોરોનાને ભગાવવાનું પ્રણ લીધુ

યુપીના બાગપતમાં એક સાધુ મહારાજે એલાન કર્યુ છે કે, જ્યાં સુધી લોકોની વચ્ચે કોરોનાનું સંક્રમણ ફેલાય રહ્યુ છે, ત્યાં સુધી ન તો તેઓ અન્નનો દાણો લેશે, ન તો તેઓ તપસ્યામાંથી ઉભા થશે. સાધૂએ અન્નનો ત્યાગ કરતાની સાથે જ માથા પર જવારા વાવ્યા છે. આ સાથે જ તેમણે સંકલ્પ પણ લીધો છે. સંકલ્પ લીધા બાદ તેઓ મા કાલીની આરાધનામાં લાગી ગયા છે. સાધૂની આ પ્રકારની તપસ્યા લોકોની વચ્ચે ચર્ચાનો વિષય બન્યો છે. સાધૂને જોવા માટે લોકો દૂર દૂરથી આવી રહ્યા છે.

બાગપત જિલ્લાથી 30 કિમી દૂર તિતરોદા ગામની બહાર મહાકાળી માતાના મંદિરમાં તેઓ રહે છે. આ મંદિરના મહંતનું નામ શેર ગિરી છે. જેમણે આદ્યાત્મ અને સાધનાના બળે કોરોનાને ભગાવવાનું પ્રણ લીધુ છે. મહંત ગિરીએ કોરોનાકાળ શરૂ થતાંની સાથે જ આ સંકલ્પ કર્યો છે, અને સાધનામાં બેસી ગયા છે.

(8:38 am IST)
  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST