Gujarati News

Gujarati News

News of Tuesday, 24th November 2020

કોરોના કહેર વચ્ચે

રાજકોટમાં આજે ૬ મોત : કોરોનાથી એક પણ મોત નથી : જાહેર કરતી સરકાર

શહેરમાં ૭૪ કન્ટેન્ટમેન્ટ ઝોન અને ગ્રામ્ય વિસ્તારમાં ૧૩૯ વિસ્તારો સંક્રમિત : ૩૦ હજાર ઘરોમાં સર્વે : શરદી - તાવના ૧૩ કેસ

રાજકોટ તા. ૨૪ : શહેર જિલ્લામાં કોરોના કહેર વચ્ચે આજે વધુ ૬ના મોત નોંધાયા છે. જ્યારે રાજ્ય સરકારની ડેથ ઓડિટ કમિટિએ કોરોનાથી એક પણ મોત નથી તેમ જાહેર કરતા ભારે અસમંજશ ઉભું થયું છે.

આ અંગે જિલ્લા આરોગ્ય અધિકારીએ જાહેર કરેલ પત્રમાં જણાવાયું છે કે, આજે સવારે ૮ વાગ્યા સુધીમાં શહેર જિલ્લામાં કુલ ૬ મૃત્યુ નોંધાયા છે. જેમાં એક પણ મોત કોરોનાને કારણે થયું નથી તેનો રીપોર્ટ રાજ્ય સરકારની કોવિડ - ડેથ ઓડિટ કમિટિએ જાહેર કર્યો છે.

દરમિયાન રાજકોટ શહેરમાં ૭૪ અને ગ્રામ્ય વિસ્તારમાં ૧૩૯ માઇક્રો કન્ટેન્ટમેન્ટ ઝોન કાર્યરત કરાયા છે.

રાજકોટ શહેરમાં આજે સવાર સુધીમાં કુલ ૩૦૨૧૮૧૭ ઘરોમાં સર્વે કરાયો હતો જે પૈકી માત્ર ૧૩ને જ તાવ - શરદીના લક્ષણો હતા. જ્યારે ગ્રામ્ય વિસ્તારોમાં ૪૭ હજાર મકાનોના સર્વેમાં ૧૧૫ લોકોમાં તાવ શરદીના લક્ષણો જોવા મળેલ હતા.

(11:37 am IST)
  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST