Gujarati News

Gujarati News

News of Tuesday, 24th November 2020

પત્નીને ફોન પર ટ્રિપલ તલાક આપ્યા :પતિ સામે ગુનો

પુણે,તા. ૨૪:  ફોન પર ટ્રિપલ તલાક આપવા બદલ અહમદનગરની મહિલાએ મુંબઈમાં રહેતા તેના ૩૨ વર્ષના પતિ વિરુદ્ઘ પોલીસમાં ફરિયાદ નોંધાવી હતી. ૩૧ વર્ષની મહિલા નોકરી અર્થે દુબઇ ગઇ હતી અને હાલ તે અહમદનગરમાં રહે છે.

મહિલાને ૨૦ નવેમ્બરે તેના પતિએ ફોન કરીને કહ્યું હતું કે હું તારી સાથે કોઇ સંબંધ રાખવા માગતો નથી અને તારી સાથે રહેવા પણ માગતો નથી. બાદમાં તેણે પત્નીને ફોન પર તલાક આપ્યા હતા, એમ પોલીસે કહ્યું હતું.

મહિલાએે શનિવારે ભિંગર કેમ્પ પોલીસ સ્ટેશનમાં ફરિયાદ નોંધાવી હતી, જેને આધારે પોલીસે પતિ વિરુદ્ઘ ગુનો દાખલ કર્યો હતો.

ફરિયાદી મહિલાએ બ્યૂટી પાર્લર સંબંધી કોર્સ કર્યો હતો અને તે મુંબઈમાં કામ કરતી હતી. જોકે તે બાદમાં દુબઇ ગઇ હતી અને તાજેતરમાં તે અહમદનગર આવી હતી, જયાં તેનો ફ્લેટ છે. દંપતીને ત્રણ વર્ષની બાળકી છે, એમ પોલીસે જણાવ્યું હતું.

(10:11 am IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • પાક.નો બેટસમેન ફખર ઝમાન ન્યુઝીલેન્ડની ટૂરમાંથી આઉટ : લાહોર : પાકિસ્તાનના બેટસમેન ફખર ઝમાનને તાવ આવતા તે ન્યુઝીલેન્ડના પ્રવાસમાંથી બહાર થઇ ગયો છે. ન્યુઝીલેન્ડ અને પાકિસ્તાન વચ્ચે ૧૮ ડીસેમ્બરથી ત્રણ ટી-ર૦ અને બે ટેસ્ટ મેચોની સીરીઝ રમાનાર છે. access_time 2:35 pm IST

  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST